Oralda jastar top bolyp tóbelesip, oq tigen bireýi jansaqtaý bóliminde jatyr, dep habarlaidy "Ult aqparat".
BQO politsiia departamentiniń resmi ókili Bolatbek Belgibekovtiń málim etkenindei, oqiǵa keshe keshkisin M.Sholohov kóshesi boiyndaǵy «Venoil» janar-jaǵar mai quiý stansasy aýmaǵynda oryn aldy.
Keshe saǵat 22.10-da habarlama túsken boida oqiǵa ornyna taiaý mańdaǵy politsiia toby dereý jiberildi.
Jedel izdestirý sharalary barysynda tóbeleske jiyrma shaqty adamnyń qatysqany anyqtaldy.
Oqiǵaǵa qatysy bar jastar ustalyp, olardy ýaqytsha oqshaýlaý izoliatoryna qamaý máselesi sheshilýde. Qalǵan ekeýi izdestirilýde.
Qazirgi kezde oqiǵanyń mán-jaiy anyqtalyp jatyr.
QR QK 293-baby 3-bóligine (buzaqylyq) sáikes qylmystyq is qozǵalyp, tergeý amaldary júrgizilýde.
BQO densaýlyq saqtaý basqarmasy baspasóz qyzmetiniń naqtylaýynsha, jedel járdemge saǵat 22.40-ta qońyraý shalynǵan.
Oq jaraqatyn alǵan 24 jastaǵy er adam oblystyq kópbeiindi aýrýhananyń hirýrgiialyq bólimshesine jatqyzyldy. Osynda onyń ish qýysyna ota jasaldy. Jigittiń kóptegen ishki organdary: baýyry, talaǵy, toq jáne tik ishegi, keýde tusy zaqymdanyp, qabyrǵalary synǵany belgili boldy. Qazir emdelýshi jansaqtaý bóliminde jatyr.
