ورالدا جاستار توپ بولىپ تٶبەلەسٸپ, وق تيگەن بٸرەۋٸ جانساقتاۋ بٶلٸمٸندە جاتىر, دەپ حابارلايدى "ۇلت اقپارات".
بقو پوليتسييا دەپارتامەنتٸنٸڭ رەسمي ٶكٸلٸ بولاتبەك بەلگٸبەكوۆتٸڭ مەلٸم ەتكەنٸندەي, وقيعا كەشە كەشكٸسٸن م.شولوحوۆ كٶشەسٸ بويىنداعى «ۆەنويل» جانار-جاعار ماي قۇيۋ ستانساسى اۋماعىندا ورىن الدى.
كەشە ساعات 22.10-دا حابارلاما تٷسكەن بويدا وقيعا ورنىنا تاياۋ ماڭداعى پوليتسييا توبى دەرەۋ جٸبەرٸلدٸ.
جەدەل ٸزدەستٸرۋ شارالارى بارىسىندا تٶبەلەسكە جيىرما شاقتى ادامنىڭ قاتىسقانى انىقتالدى.
وقيعاعا قاتىسى بار جاستار ۇستالىپ, ولاردى ۋاقىتشا وقشاۋلاۋ يزولياتورىنا قاماۋ مەسەلەسٸ شەشٸلۋدە. قالعان ەكەۋٸ ٸزدەستٸرٸلۋدە.
قازٸرگٸ كەزدە وقيعانىڭ مەن-جايى انىقتالىپ جاتىر.
قر قك 293-بابى 3-بٶلٸگٸنە (بۇزاقىلىق) سەيكەس قىلمىستىق ٸس قوزعالىپ, تەرگەۋ امالدارى جٷرگٸزٸلۋدە.
بقو دەنساۋلىق ساقتاۋ باسقارماسى باسپاسٶز قىزمەتٸنٸڭ ناقتىلاۋىنشا, جەدەل جەردەمگە ساعات 22.40-تا قوڭىراۋ شالىنعان.
وق جاراقاتىن العان 24 جاستاعى ەر ادام وبلىستىق كٶپبەيٸندٸ اۋرۋحانانىڭ حيرۋرگييالىق بٶلٸمشەسٸنە جاتقىزىلدى. وسىندا ونىڭ ٸش قۋىسىنا وتا جاسالدى. جٸگٸتتٸڭ كٶپتەگەن ٸشكٸ ورگاندارى: باۋىرى, تالاعى, توق جەنە تٸك ٸشەگٸ, كەۋدە تۇسى زاقىمدانىپ, قابىرعالارى سىنعانى بەلگٸلٸ بولدى. قازٸر ەمدەلۋشٸ جانساقتاۋ بٶلٸمٸندە جاتىر.
