Oralǵa qarasty Zachagan kenti turmystyq qatty qaldyqtar poligony úshinshi kún qatarynan janyp jatyr, dep habarlaidy QazAqparat tilshisi.
BQO TJ departamentiniń baspasóz hatshysy Nurgúl Muqanovanyń aitýynsha, poligonda qaldyqtardyń janyp jatqany jóninde habar 27 mamyr kúni tańǵy saǵat 06.10-da túsken bolatyn.
Sol kúni órt sóndirýge jeke quramnan 4 adam, 2 tehnika jumyldyryldy. Sonymen qatar «Jaiyq taza qala» JShS-dan 4 tehnika qatysty. Degenmen 28 mamyr kúni saǵat 08.29-da poligonnyń qaita janyp jatqany belgili boldy. «Tilsiz jaýdy» aýyzdyqtaýǵa jeke quramnan 5 adam, 1 tehnika qatysyp, órt saǵat 17.40-ta sóndirildi.
«Poligon búgin de janyp jatyr. Qazirgi kezde órt sóndirýshiler sonda júr. Tehnikalar men adamdardyń sany naqtylanýda. Jalpy, poligonda qaldyqtardyń janýy jyl saiyn qaitalanady», dedi «QazAqparat» tilshisine N.Muqanova.
