Shyǵys Qazaqstan oblysynda mas kúidegi áiel taksi júrgizýshisi kólikten shyǵyp ketken sátti paidalanyp, rólge otyrǵan. Júrgizýshi kýáligi joq 33 jastaǵy jolaýshynyń áreketinen kólikke 2,5 mln teńge shyǵyn kelgen, dep habarlaidy ult.kz.
Polisia.kz málimetinshe, áiel Chevrolet Aveo kóliginiń júrgizýshisinen birneshe mekenjaiǵa jetkizýdi suraǵan. Sońǵy núktege jetkende júrgizýshi kólikten shyqqan. Osy sátti paidalanǵan jolaýshy rólge otyryp, kólikpen manevr jasai bastaǵan. Saldarynan avtokólikke zaqym kelgen.
Kólik iesi politsiiaǵa aryzdanǵan. Tártip saqshylary áieldi ustap, onyń mas kúide bolǵanyn jáne kólik basqarý quqyǵy joq ekenin anyqtaǵan.
Avtokólikti zańsyz iemdený deregi boiynsha qylmystyq is qozǵaldy. Aldyn ala esep boiynsha, keltirilgen materialdyq shyǵyn 2,5 mln teńgeni quraidy.
Politsiia mas kúide ári júrgizýshi kýáliginsiz kólik basqarý zań boiynsha jaýapkershilikke ákeletinin eskertedi.
