Aqtaýda sot plastikalyq otadan keiin densaýlyǵyna ziian kelgen áielge úsh million teńge moraldyq ótemaqy tóleýdi hirýrgke mindettedi. Patsient dárigerden jalpy 30 million teńge talap etken, dep habarlaidy ult.kz.
Lada.kz saitynyń málimetinshe, 2022 jyly áiel bet pishinin túzetý úshin Aqtaýdaǵy hirýrgke júgingen. Otadan keiin qulaǵynyń ainalasynda keloidty tyrtyqtar paida bolyp, jumsaq tinderi zaqymdanǵan.
2025 jyly áiel kemshilikterdi túzetý úshin Almatyda qaita ota jasatqan. Alaida is materialdaryna sáikes, bul joly bet júikesiniń tarmaǵy zaqymdanyp, jumsaq tinderi deformatsiiaǵa ushyraǵan.
Patsient sapasyz meditsinalyq kómek saldarynan zardap shekkenin aityp, sottan emdelý shyǵyndary úshin 20 million teńge jáne moraldyq ziian úshin 10 million teńge óndirip alýdy suraǵan.
Sot saraptama qorytyndylaryn zerttep, talapty ishinara qanaǵattandyrdy. Áiel emdelýge ketken shyǵyndy tolyq rastaityn qujattardy usyna almaǵandyqtan, hirýrgti úsh million teńge moraldyq ótemaqy tóleýge mindettedi.
Sot sheshimi zańdy kúshine endi.
