اقتاۋدا سوت پلاستيكالىق وتادان كەيٸن دەنساۋلىعىنا زييان كەلگەن ەيەلگە ٷش ميلليون تەڭگە مورالدىق ٶتەماقى تٶلەۋدٸ حيرۋرگكە مٸندەتتەدٸ. پاتسيەنت دەرٸگەردەن جالپى 30 ميلليون تەڭگە تالاپ ەتكەن, دەپ حابارلايدى ult.kz.
Lada.kz سايتىنىڭ مەلٸمەتٸنشە, 2022 جىلى ەيەل بەت پٸشٸنٸن تٷزەتۋ ٷشٸن اقتاۋداعى حيرۋرگكە جٷگٸنگەن. وتادان كەيٸن قۇلاعىنىڭ اينالاسىندا كەلويدتى تىرتىقتار پايدا بولىپ, جۇمساق تٸندەرٸ زاقىمدانعان.
2025 جىلى ەيەل كەمشٸلٸكتەردٸ تٷزەتۋ ٷشٸن الماتىدا قايتا وتا جاساتقان. الايدا ٸس ماتەريالدارىنا سەيكەس, بۇل جولى بەت جٷيكەسٸنٸڭ تارماعى زاقىمدانىپ, جۇمساق تٸندەرٸ دەفورماتسيياعا ۇشىراعان.
پاتسيەنت ساپاسىز مەديتسينالىق كٶمەك سالدارىنان زارداپ شەككەنٸن ايتىپ, سوتتان ەمدەلۋ شىعىندارى ٷشٸن 20 ميلليون تەڭگە جەنە مورالدىق زييان ٷشٸن 10 ميلليون تەڭگە ٶندٸرٸپ الۋدى سۇراعان.
سوت ساراپتاما قورىتىندىلارىن زەرتتەپ, تالاپتى ٸشٸنارا قاناعاتتاندىردى. ەيەل ەمدەلۋگە كەتكەن شىعىندى تولىق راستايتىن قۇجاتتاردى ۇسىنا الماعاندىقتان, حيرۋرگتٸ ٷش ميلليون تەڭگە مورالدىق ٶتەماقى تٶلەۋگە مٸندەتتەدٸ.
سوت شەشٸمٸ زاڭدى كٷشٸنە ەندٸ.
