Almatydaǵy ál-Farabi atyndaǵy Qazaq ulttyq ýniversitetinde qaraýsyz qalǵan sómkege bailanysty stýdentter men oqytýshylar evakýatsiialandy. Áleýmettik jelilerde oqý ornyna bomba qoiylǵany týraly aqparat taraǵanymen, politsiia tekserý nátijesin jariialady, dep habarlaidy ult.kz.
28 qazanda áleýmettik jelilerde QazUÝ stýdentteri men oqytýshylarynyń ýniversitet ǵimaratynan shuǵyl shyǵarylǵany týraly habar tarady. Threads jelisiniń qoldanýshylarynyń biri jarylys qaýpine bailanysty ǵimarattan shyǵýǵa týra kelgenin jazǵan.
Almaty qalalyq Politsiia departamentiniń málimetinshe, ýniversitet aýmaǵynan qaraýsyz qalǵan sómke tabylǵan. Oqiǵa ornyna shuǵyl qyzmetter jetip, qaýipsizdik maqsatynda stýdentter men oqytýshylar evakýatsiialanǵan.
Tekserý barysynda sómkeniń stýdentterdiń birine tiesili ekeni jáne ishinde oqý quraldary bary anyqtalǵan. Politsiianyń habarlaýynsha, tabylǵan zat eshqandai qaýip tóndirmegen.
Quqyq qorǵaý organdary azamattarǵa qyraǵylyq tanytqany úshin alǵys aityp, kúdikti zat baiqalǵan jaǵdaida 102 nómirine habarlasý qajettigin eske saldy. Sondai-aq mundai zattardy óz betinshe ustaýǵa nemese ornynan qozǵaltýǵa bolmaitynyn eskertti.
