ورالعا قاراستى زاچاگان كەنتٸ تۇرمىستىق قاتتى قالدىقتار پوليگونى ٷشٸنشٸ كٷن قاتارىنان جانىپ جاتىر, دەپ حابارلايدى قازاقپارات تٸلشٸسٸ.
بقو تج دەپارتامەنتٸنٸڭ باسپاسٶز حاتشىسى نۇرگٷل مۇقانوۆانىڭ ايتۋىنشا, پوليگوندا قالدىقتاردىڭ جانىپ جاتقانى جٶنٸندە حابار 27 مامىر كٷنٸ تاڭعى ساعات 06.10-دا تٷسكەن بولاتىن.
سول كٷنٸ ٶرت سٶندٸرۋگە جەكە قۇرامنان 4 ادام, 2 تەحنيكا جۇمىلدىرىلدى. سونىمەن قاتار «جايىق تازا قالا» جشس-دان 4 تەحنيكا قاتىستى. دەگەنمەن 28 مامىر كٷنٸ ساعات 08.29-دا پوليگوننىڭ قايتا جانىپ جاتقانى بەلگٸلٸ بولدى. «تٸلسٸز جاۋدى» اۋىزدىقتاۋعا جەكە قۇرامنان 5 ادام, 1 تەحنيكا قاتىسىپ, ٶرت ساعات 17.40-تا سٶندٸرٸلدٸ.
«پوليگون بٷگٸن دە جانىپ جاتىر. قازٸرگٸ كەزدە ٶرت سٶندٸرۋشٸلەر سوندا جٷر. تەحنيكالار مەن ادامداردىڭ سانى ناقتىلانۋدا. جالپى, پوليگوندا قالدىقتاردىڭ جانۋى جىل سايىن قايتالانادى», دەدٸ «قازاقپارات» تٸلشٸسٸنە ن.مۇقانوۆا.
