Oralda sońǵy úsh kúnde 180 adam koronavirýs juqtyrdy, dep habarlaidy "Ult aqparat".
Oblystyq sanitarlyq-epidemiologiialyq baqylaý departamentiniń baspasóz qyzmeti málim etkenindei, qalada 25 qańtar kúni – 58, 26-synda – 64, keshe taǵy 58 adamnan indet tabyldy.
Oblysta úsh kúnde barlyǵy 285 adam indetke shaldyqty.
Aýdandar arasynda Báiterekte koronavirýs órshi túsýde.
Munda 25-i kúni 26, 26-sy kúni 23, keshe 24, barlyǵy 73 adamnan kovid anyqtaldy. Sondai-aq Aqjaiyq aýdanynda sońǵy úsh kúnde 10, Terektide 9, Bórlide 6, Tasqalada 5 adamnyń aýyrǵany belgili boldy.
Óńirde qańtar aiynda 1457 adam koronavirýs juqtyrsa, sonyń 929-y – aýrý belgisi barlar, 528-i – simptomy joqtar.
Sońǵy táýlikte tirkelgen 93 naýqastyń 61-i – aýrý belgisi barlar. Bulardyń 19-y buryn aýyrǵandarmen bailanysta bolǵan, bireýinen profilaktikalyq maqsatta synama alynǵan, 38-i epidemiologiialyq kórsetkishter, úsheýi epidqadaǵalaý boiynsha qaralǵan. Simptomy joq 32 adamnyń 22-si buryn syrqattanǵandarmen qarym-qatynasta bolǵan. Tórteýi profilaktikalyq, altaýy epidqadaǵalaý maqsatynda synama tapsyrǵan.
Eske sala keteiik, budan buryn Batys Qazaqstanda bir aida 100-ge jýyq balanyń koronavirýs juqtyrǵanyn, óńirde 8500-den astam meditsina qyzmetkerin egý kózdelip otyrǵanyn jazǵan bolatynbyz.
