ورالدا سوڭعى ٷش كٷندە 180 ادام كوروناۆيرۋس جۇقتىردى, دەپ حابارلايدى "ۇلت اقپارات".
وبلىستىق سانيتارلىق-ەپيدەميولوگييالىق باقىلاۋ دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, قالادا 25 قاڭتار كٷنٸ – 58, 26-سىندا – 64, كەشە تاعى 58 ادامنان ٸندەت تابىلدى.
وبلىستا ٷش كٷندە بارلىعى 285 ادام ٸندەتكە شالدىقتى.
اۋداندار اراسىندا بەيتەرەكتە كوروناۆيرۋس ٶرشي تٷسۋدە.
مۇندا 25-ٸ كٷنٸ 26, 26-سى كٷنٸ 23, كەشە 24, بارلىعى 73 ادامنان كوۆيد انىقتالدى. سونداي-اق اقجايىق اۋدانىندا سوڭعى ٷش كٷندە 10, تەرەكتٸدە 9, بٶرلٸدە 6, تاسقالادا 5 ادامنىڭ اۋىرعانى بەلگٸلٸ بولدى.
ٶڭٸردە قاڭتار ايىندا 1457 ادام كوروناۆيرۋس جۇقتىرسا, سونىڭ 929-ى – اۋرۋ بەلگٸسٸ بارلار, 528-ٸ – سيمپتومى جوقتار.
سوڭعى تەۋلٸكتە تٸركەلگەن 93 ناۋقاستىڭ 61-ٸ – اۋرۋ بەلگٸسٸ بارلار. بۇلاردىڭ 19-ى بۇرىن اۋىرعاندارمەن بايلانىستا بولعان, بٸرەۋٸنەن پروفيلاكتيكالىق ماقساتتا سىناما الىنعان, 38-ٸ ەپيدەميولوگييالىق كٶرسەتكٸشتەر, ٷشەۋٸ ەپيدقاداعالاۋ بويىنشا قارالعان. سيمپتومى جوق 32 ادامنىڭ 22-سٸ بۇرىن سىرقاتتانعاندارمەن قارىم-قاتىناستا بولعان. تٶرتەۋٸ پروفيلاكتيكالىق, التاۋى ەپيدقاداعالاۋ ماقساتىندا سىناما تاپسىرعان.
ەسكە سالا كەتەيٸك, بۇدان بۇرىن باتىس قازاقستاندا بٸر ايدا 100-گە جۋىق بالانىڭ كوروناۆيرۋس جۇقتىرعانىن, ٶڭٸردە 8500-دەن استام مەديتسينا قىزمەتكەرٸن ەگۋ كٶزدەلٸپ وتىرعانىن جازعان بولاتىنبىز.
