Oralda sheteldik azamat esirtki zattaryn taratqany úshin 6 jylǵa bas bostandyǵynan aiyryldy, dep habarlaidy ult.kz.
Polisia.kz málimetinshe, Batys Qazaqstan oblysy politsiia departamentiniń esirtki qylmysyna qarsy is-qimyl basqarmasynyń qyzmetkerleri jedel-izdestirý is-sharalaryn júrgizý barysynda esirtki zattaryn jasyryn oryndarǵa ornalastyryp júrgen 33 jastaǵy sheteldik azamatty ustady.
Er adamnyń jeke basyn tintý barysynda ózine tán iisi bar untaq tárizdi zat salynǵan 12 orama, sondai-aq eki telefon tárkilendi. Sonymen qatar tekserý barysynda osyndai zat salynǵan taǵy 13 orama anyqtalyp, tárkilendi. Sotqa deiingi tergep-tekserý barysynda er adamnyń esirtki zattaryn taratýmen ainalysatyn internet-dúkende kýrer bolyp jumys istegeni anyqtaldy.
Tiisti saraptamanyń qorytyndysyna sáikes tárkilengen zat sintetikalyq esirtki bolyp shyqty. Atalǵan fakti boiynsha sotqa deiingi tergep-tekserý júrgizildi. Qylmystyq isti qaraý nátijesinde sot er adamdy kináli dep tanyp, 6 jyl merzimge bas bostandyǵynan aiyrý jazasyn taǵaiyndady.
