ورالدا شەتەلدٸك ازامات ەسٸرتكٸ زاتتارىن تاراتقانى ٷشٸن 6 جىلعا باس بوستاندىعىنان ايىرىلدى, دەپ حابارلايدى ult.kz.
Polisia.kz مەلٸمەتٸنشە, باتىس قازاقستان وبلىسى پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ جەدەل-ٸزدەستٸرۋ ٸس-شارالارىن جٷرگٸزۋ بارىسىندا ەسٸرتكٸ زاتتارىن جاسىرىن ورىندارعا ورنالاستىرىپ جٷرگەن 33 جاستاعى شەتەلدٸك ازاماتتى ۇستادى.
ەر ادامنىڭ جەكە باسىن تٸنتۋ بارىسىندا ٶزٸنە تەن يٸسٸ بار ۇنتاق تەرٸزدٸ زات سالىنعان 12 وراما, سونداي-اق ەكٸ تەلەفون تەركٸلەندٸ. سونىمەن قاتار تەكسەرۋ بارىسىندا وسىنداي زات سالىنعان تاعى 13 وراما انىقتالىپ, تەركٸلەندٸ. سوتقا دەيٸنگٸ تەرگەپ-تەكسەرۋ بارىسىندا ەر ادامنىڭ ەسٸرتكٸ زاتتارىن تاراتۋمەن اينالىساتىن ينتەرنەت-دٷكەندە كۋرەر بولىپ جۇمىس ٸستەگەنٸ انىقتالدى.
تيٸستٸ ساراپتامانىڭ قورىتىندىسىنا سەيكەس تەركٸلەنگەن زات سينتەتيكالىق ەسٸرتكٸ بولىپ شىقتى. اتالعان فاكتٸ بويىنشا سوتقا دەيٸنگٸ تەرگەپ-تەكسەرۋ جٷرگٸزٸلدٸ. قىلمىستىق ٸستٸ قاراۋ نەتيجەسٸندە سوت ەر ادامدى كٸنەلٸ دەپ تانىپ, 6 جىل مەرزٸمگە باس بوستاندىعىنان ايىرۋ جازاسىن تاعايىندادى.
