Batys Qazaqstan oblystyq sotynyń apelliatsiialyq alqasy burynǵy áielin óltirgeni úshin 15 jylǵa bas bostandyǵynan aiyrylǵan Baýyrjan Hairýllinniń isin qarady, - dep habarlaidy Tengrinews.kz tilshisi.
Birinshi satydaǵy sot úkimine jábirlenýshi tarap shaǵym túsirgen. Marqum Ainagúl Hairýllinanyń anasynyń aitýynsha, qyzynyń burynǵy kúieýi qylmysty josparly túrde jasaǵan.
"Ol qyzymdy óltiremin dep birneshe ret qorqytqan. Ainagúl politsiiaǵa júgindi, biraq Hairýllinge eshqandai shara qoldanbaǵan. Eki balasy únemi anasyn surap otyrady. Jazany jeńildetetin jait retinde sot úkiminde eki kishkentai balasy bar ekeni kórsetilgen. Biraq ol olardyń anasyn óltirgen. Qylmyskerdi ómir boiyna bas bostandyǵynan aiyrýdy suraimyn. Ol terroristen de jaman", - dedi Kákima Qajypanova sotta.
Sottalýshynyń advokattary da úkimmen kelispeidi. Olar kisi óltirý affekt jaǵdaiynda jasalǵanyn aityp, bapty jazany jeńildetetin bapqa saralaýdy surady.
"Men qatty psihikalyq kúizeliste boldym. Men qateleskenimdi bilemin. Buqaralyq aqparat quraldary meni qatygez qylyp kóresetti. Burynǵy áielimdi óltirgenimdi moiyndaimyn. Biraq sol sátte men esimdi bilmedim", - dedi Baýyrjan Hairýllin.
Taraptardyń ýájderin qarap, apelliatsiialyq alqa óz úkimin shyǵardy. Hairýllinge qatysty úkim ózgerissiz qaldyryldy. Eks-sheneýnik 15 jylyn qylmystyq-atqarý júiesiniń barynsha qaýipsiz mekemesinde ótkizedi.
Eske salaiyq, 2021 jyly 19 sáýirde Baýyrjan Hairýllin burynǵy áieli Ainagúl Hairýllinaǵa 20-dan asa pyshaq jaraqatyn salǵan edi. Marqumnyń artynda eki balasy qaldy. Jábirlenýshi tarap úkimmen kelispei, qatań jaza berýdi surady.
