Oral qalasyndaǵy Batys Qazaqstan oblystyq ortalyq meshitinde el amandyǵyna, topan sýdyń qaitýyna, halyq zardap shekpesin degen maqsatta «Qajet namazy» oqyldy, dep habarlaidy "Ult aqparat" Múftiiatqa silteme jasap.
Múftiiattyń jazýynsha, elde buǵan deiin "Qajet namazy" oqylmaǵan.
"El basyna túsken qiyndyqty jeńildetý maqsatynda oqylǵan namazǵa jamaǵat kóp jinaldy. Jalpy qajet namazy aty aityp turǵandai, bir nárseni qajet etip turǵanda, bir nársege kómek qajet bolǵanda jaratqannan alaqan jaiyp suralatyn qulshylyq túri", - delingen habarlamada.
Namaz aldynda Batys Qazaqstan oblysynyń bas imamy Samat Álibaev jamaǵatty birlikke shaqyryp, tasqynnyń aldyn alýǵa bir otbasynyń baldaryndai jumylyp, sý basý qaýpi bar aimaqtarda jaǵa biiktetý, eldi aman alyp qalý jolynda kúsh biriktirýge shaqyrdy.
"Elimizde bolyp jatqan sý tasqynyna jaratqan jeńildik bersin. Osyndai da el bolyp, bir-birimizge járdemdesýimiz kerek. Qazaqstan musylmandar dini bamqarmasy qiyn sátte qol kúshimen de azyq-túlikpen de kómektesýde. Bas múfti Naýryzbai qajy Taǵanuly da el amandyǵyn tilep duǵa oqýda. Batys Qazaqstanda qajet namazy alǵash ret oqyldy. Bul namazda jamaǵat bolyp, elge jeńildik suradyq. Sondai-aq kópshilikti jaǵa boiyn biiktetip, tasqynǵa tosqyn bolýǵa shaqyrdyq", – dedi BQO bas imamy Samat Álibaev.
Sonymen qatar el amandyǵy úshin qurban shalyndy.
