ورال قالاسىنداعى باتىس قازاقستان وبلىستىق ورتالىق مەشٸتٸندە ەل اماندىعىنا, توپان سۋدىڭ قايتۋىنا, حالىق زارداپ شەكپەسٸن دەگەن ماقساتتا «قاجەت نامازى» وقىلدى, دەپ حابارلايدى "ۇلت اقپارات" مٷفتيياتقا سٸلتەمە جاساپ.
مٷفتيياتتىڭ جازۋىنشا, ەلدە بۇعان دەيٸن "قاجەت نامازى" وقىلماعان.
"ەل باسىنا تٷسكەن قيىندىقتى جەڭٸلدەتۋ ماقساتىندا وقىلعان نامازعا جاماعات كٶپ جينالدى. جالپى قاجەت نامازى اتى ايتىپ تۇرعانداي, بٸر نەرسەنٸ قاجەت ەتٸپ تۇرعاندا, بٸر نەرسەگە كٶمەك قاجەت بولعاندا جاراتقاننان الاقان جايىپ سۇرالاتىن قۇلشىلىق تٷرٸ", - دەلٸنگەن حابارلامادا.
ناماز الدىندا باتىس قازاقستان وبلىسىنىڭ باس يمامى سامات ەلٸباەۆ جاماعاتتى بٸرلٸككە شاقىرىپ, تاسقىننىڭ الدىن الۋعا بٸر وتباسىنىڭ بالدارىنداي جۇمىلىپ, سۋ باسۋ قاۋپٸ بار ايماقتاردا جاعا بيٸكتەتۋ, ەلدٸ امان الىپ قالۋ جولىندا كٷش بٸرٸكتٸرۋگە شاقىردى.
"ەلٸمٸزدە بولىپ جاتقان سۋ تاسقىنىنا جاراتقان جەڭٸلدٸك بەرسٸن. وسىنداي دا ەل بولىپ, بٸر-بٸرٸمٸزگە جەردەمدەسۋٸمٸز كەرەك. قازاقستان مۇسىلماندار دٸني بامقارماسى قيىن سەتتە قول كٷشٸمەن دە ازىق-تٷلٸكپەن دە كٶمەكتەسۋدە. باس مٷفتي ناۋرىزباي قاجى تاعانۇلى دا ەل اماندىعىن تٸلەپ دۇعا وقۋدا. باتىس قازاقستاندا قاجەت نامازى العاش رەت وقىلدى. بۇل نامازدا جاماعات بولىپ, ەلگە جەڭٸلدٸك سۇرادىق. سونداي-اق كٶپشٸلٸكتٸ جاعا بويىن بيٸكتەتٸپ, تاسقىنعا توسقىن بولۋعا شاقىردىق", – دەدٸ بقو باس يمامى سامات ەلٸباەۆ.
سونىمەن قاتار ەل اماندىعى ٷشٸن قۇربان شالىندى.
