Oralda bir kúnde 80 adamnan koronavirýs infektsiiasy tabyldy, dep habarlaidy "Ult aqparat".
BQO Sanitarlyq-epidemiologiialyq baqylaý departamentinen málim etkenindei, «qyzyl» aimaqqa qaita kirgen óńirde sońǵy táýlikte 109 adamnyń indet juqtyrǵany anyqtalsa, sonyń 80-i Oral qalasynda tirkelip otyr.
Sondai-aq Báiterek aýdanynda keshe 19, Bórlide 5, Jánibekte 3, Aqjaiyq pen Tasqalada 1 adamnyń aýyrǵany tirkeldi.
JRVI belgileri boiynsha tekserilgen 47 (43,1 paiyzy), buryn aýyrǵandarmen qarym-qatynasta bolǵan 34 (31,1 paiyzy), profilaktikalyq maqsatta synama alynǵan 17 (15,5 paiyzy), statsionarlarǵa emdeýge jatqyzý aldynda 11 (10,0 paiyzy) adamnyń koronavirýs juqtyrǵany anyqtaldy.
Oblys boiynsha sońǵy úsh kúnde 249 adam syrqattansa, sonyń 182-si Oral qalasynda tirkeldi.
Mamandardyń sózine qaraǵanda, turǵyndar kóbinese indetti qoǵamdyq oryndarda, sadaqa, toi sekildi otbasylyq is-sharalarda, adamdar kóp júretin qarbalas ýaqytta avtobýstarda juqtyrady.
Indet bastalǵannan beri óńirde aýyrǵandar sany - 11307, Oral qalasynda 6254-ke jetti.
