ورالدا بٸر كٷندە 80 ادامنان كوروناۆيرۋس ينفەكتسيياسى تابىلدى, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸنەن مەلٸم ەتكەنٸندەي, «قىزىل» ايماققا قايتا كٸرگەن ٶڭٸردە سوڭعى تەۋلٸكتە 109 ادامنىڭ ٸندەت جۇقتىرعانى انىقتالسا, سونىڭ 80-ٸ ورال قالاسىندا تٸركەلٸپ وتىر.
سونداي-اق بەيتەرەك اۋدانىندا كەشە 19, بٶرلٸدە 5, جەنٸبەكتە 3, اقجايىق پەن تاسقالادا 1 ادامنىڭ اۋىرعانى تٸركەلدٸ.
جرۆي بەلگٸلەرٸ بويىنشا تەكسەرٸلگەن 47 (43,1 پايىزى), بۇرىن اۋىرعاندارمەن قارىم-قاتىناستا بولعان 34 (31,1 پايىزى), پروفيلاكتيكالىق ماقساتتا سىناما الىنعان 17 (15,5 پايىزى), ستاتسيونارلارعا ەمدەۋگە جاتقىزۋ الدىندا 11 (10,0 پايىزى) ادامنىڭ كوروناۆيرۋس جۇقتىرعانى انىقتالدى.
وبلىس بويىنشا سوڭعى ٷش كٷندە 249 ادام سىرقاتتانسا, سونىڭ 182-سٸ ورال قالاسىندا تٸركەلدٸ.
مامانداردىڭ سٶزٸنە قاراعاندا, تۇرعىندار كٶبٸنەسە ٸندەتتٸ قوعامدىق ورىنداردا, ساداقا, توي سەكٸلدٸ وتباسىلىق ٸس-شارالاردا, ادامدار كٶپ جٷرەتٸن قاربالاس ۋاقىتتا اۆتوبۋستاردا جۇقتىرادى.
ٸندەت باستالعاننان بەرٸ ٶڭٸردە اۋىرعاندار سانى - 11307, ورال قالاسىندا 6254-كە جەتتٸ.
