Oralda 6 páterlik turǵyn úi órtenip ketti, dep habarlaidy QazAqparat.
BQO TJ departamentiniń baspasóz qyzmeti málim etkenindei, oqiǵa 17 qazan kúni saǵat 19.10-da Óte Mýsin kóshesi №3-mekenjaiynda boldy.
Barak tiptes alty páterlik aǵash turǵyn úi otqa orandy.
Órttiń aýmaǵy 250 sharshy metrdi qurady.
«Tilsiz jaý» TJ departamentiniń kúshimen (26 qyzmetker, 11 tehnika) saǵat 21.30-da oqshaýlanyp, 22.46-da sóndirildi.
Sondai-aq budan bir kún buryn, 16 qazan kúni saǵat 20.30-da Báiterek aýdany Asan aýyly Mirnyi kóshesi 24-mekenjaida eki qabatty turǵyn úige japsarlas ornalasqan garaj ben monsha, as úi men jýyný bólmesi jandy. Jalpy aýdany – 140 sharshy metr.
Órt saǵat 21.28-de oqshaýlanyp, 21.48-de sóndirildi.
Eki oqiǵadan da zardap shekkender joq.
Qazirgi kezde órtterdiń shyǵý sebebi, keltirilgen shyǵyn, kináli adamdar anyqtalý ústinde.
