ورالدا 6 پەتەرلٸك تۇرعىن ٷي ٶرتەنٸپ كەتتٸ, دەپ حابارلايدى قازاقپارات.
بقو تج دەپارتامەنتٸنٸڭ باسپاسٶز قىزمەتٸ مەلٸم ەتكەنٸندەي, وقيعا 17 قازان كٷنٸ ساعات 19.10-دا ٶتە مۋسين كٶشەسٸ №3-مەكەنجايىندا بولدى.
باراك تيپتەس التى پەتەرلٸك اعاش تۇرعىن ٷي وتقا وراندى.
ٶرتتٸڭ اۋماعى 250 شارشى مەتردٸ قۇرادى.
«تٸلسٸز جاۋ» تج دەپارتامەنتٸنٸڭ كٷشٸمەن (26 قىزمەتكەر, 11 تەحنيكا) ساعات 21.30-دا وقشاۋلانىپ, 22.46-دا سٶندٸرٸلدٸ.
سونداي-اق بۇدان بٸر كٷن بۇرىن, 16 قازان كٷنٸ ساعات 20.30-دا بەيتەرەك اۋدانى اسان اۋىلى ميرنىي كٶشەسٸ 24-مەكەنجايدا ەكٸ قاباتتى تۇرعىن ٷيگە جاپسارلاس ورنالاسقان گاراج بەن مونشا, اس ٷي مەن جۋىنۋ بٶلمەسٸ جاندى. جالپى اۋدانى – 140 شارشى مەتر.
ٶرت ساعات 21.28-دە وقشاۋلانىپ, 21.48-دە سٶندٸرٸلدٸ.
ەكٸ وقيعادان دا زارداپ شەككەندەر جوق.
قازٸرگٸ كەزدە ٶرتتەردٸڭ شىعۋ سەبەبٸ, كەلتٸرٸلگەن شىعىن, كٸنەلٸ ادامدار انىقتالۋ ٷستٸندە.
