قازاقستاندىق تانىمال ەنشٸ ديماش قۇدايبەرگەن Grammy ستۋديياسىنىڭ Global Mixtape جوباسىنا سۇحبات بەرٸپ, شىعارماشىلىق ۇستانىمى مەن الداعى جوسپارلارى تۋرالى ايتتى, دەپ حابارلايدى ult.kz.
جۋرناليست ۆالەري ليمەن ەڭگٸمە بارىسىندا ٶنەر يەسٸ بالالىق شاعىن ەسكە الىپ, مۋزىكاعا دەگەن قىزىعۋشىلىعى وتباسىنان باستالعانىن جەتكٸزدٸ. ونىڭ ايتۋىنشا, اتا-اناسى كەسٸبي مۋزىكانت بولعاندىقتان, ٷيٸندە قازاقتىڭ حالىق ەندەرٸمەن قاتار ەلەمدٸك كلاسسيكالىق تۋىندىلار دا جيٸ شىرقالعان.
ديماش بەس جاسىنان باستاپ ساحناعا شىققانىن, بٷگٸندە ٶنەر جولىندا جٷرگەنٸنە 27 جىلعا جۋىقتاعانىن ايتتى.
ەنشٸ سۇحباتتا قازاقتىڭ ۇلتتىق مۋزىكاسىنا دا ەرەكشە توقتالدى. ول دومبىرا مەن قوبىزدىڭ ٷنٸ ارقىلى حالقىمىزدىڭ تاريحىن, تابيعاتىن جەنە دٷنيەتانىمىن جەتكٸزۋگە بولاتىنىن تٷسٸندٸردٸ. سونداي-اق كٷي ٶنەرٸ مەن ايتىستىڭ ەرەكشەلٸكتەرٸن شەتەلدٸك كٶرەرمەنگە تانىستىردى.
ەڭگٸمە بارىسىندا ديماشتىڭ تٷرلٸ تٸلدە ەن ورىنداۋى دا سٶز بولدى. ٶنەر يەسٸ مۇنى شەتەلدٸك تىڭدارمانداردىڭ قازاقستانعا دەگەن قۇرمەتٸنە جاۋاپ رەتٸندە قابىلدايتىنىن ايتتى.
«ٶزگە تٸلدەردەگٸ ەندەردٸ ٷيرەنۋ – ادامداردىڭ ماعان عانا ەمەس, مەدەنيەتٸمٸزگە, ەلٸمٸزگە كٶرسەتكەن سٷيٸسپەنشٸلٸگٸ مەن قۇرمەتٸنە العىس بٸلدٸرۋ تەسٸلٸم», – دەدٸ ول.
ديماش شىعارماشىلىعىنداعى باستى ماقساتى تابىس تابۋ ەمەس ەكەنٸن دە اشىق ايتتى.
«باستى ماقسات اقشا تابۋ ەمەس. ەڭ ماڭىزدىسى – بٸز, ٶز اۋديتوريياسى بار ٶنەر ادامدارى, حالىققا بەيبٸتشٸلٸكتٸ, ٸزگٸلٸكتٸ, ماحاببات پەن ٶزارا تٷسٸنٸستٸكتٸ ەسكە سالىپ وتىرۋىمىز كەرەك. اقشا – ٶمٸرٸمٸزدەگٸ ەڭ باستى قۇندىلىق ەمەس», – دەدٸ ەنشٸ.
سونىمەن قاتار ول الداعى ەلەمدٸك تۋرىنا قاتىستى جوسپارلارىمەن بٶلٸستٸ. ديماشتىڭ ايتۋىنشا, گاسترولدٸك ساپار 20-دان استام ەلدٸ قامتۋى مٷمكٸن. ەنشٸ مٷمكٸندٸگٸنشە كٶپ مەملەكەتتە كونتسەرت ٶتكٸزٸپ, جانكٷيەرلەرٸمەن جٷزدەسۋدٸ قالايدى.
بۇدان بٶلەك, ٶنەر يەسٸ جاقىن ارادا نيۋ-يوركتەگٸ ەيگٸلٸ Madison Square Garden ارەناسىندا ٶتكەن كونتسەرتٸ تۋرالى دەرەكتٸ فيلم جارييالاۋدى جوسپارلاپ وتىرعانىن جەتكٸزدٸ. فيلم ونىڭ YouTube ارناسىندا جارىق كٶرەدٸ.
ديماش قۇدايبەرگەن الداعى ۋاقىتتا دا قازاق مەدەنيەتٸن ەلەمگە تانىستىرىپ, مۋزىكا ارقىلى تٷرلٸ حالىقتاردى جاقىنداستىرۋدى ماقسات ەتەتٸنٸن اتاپ ٶتتٸ.
ايتا كەتەيٸك, بۇعان دەيٸن ديماش قۇدايبەرگەن «كٸتاپ وقيتىن ۇلت» رەسپۋبليكالىق مارافونىنا قاتىساتىنىن مەلٸمدەگەن ەدٸ. ٶنەر يەسٸ وسىلايشا ەلدەگٸ كٸتاپ وقۋ مەدەنيەتٸن دامىتۋعا باعىتتالعان باستاماعا قولداۋ بٸلدٸردٸ.
ديماش قۇدايبەرگەن كٸم?
ديماش قۇدايبەرگەن – قازاقستاندىق ەنشٸ, كومپوزيتور جەنە ەلەمدٸك ساحنادا تانىلعان ٶنەر يەسٸ. ونىڭ تولىق ەسٸمٸ – دٸنمۇحاممەد قاناتۇلى قۇدايبەرگەن. ول 1994 جىلى 24 مامىردا اقتٶبە قالاسىندا دٷنيەگە كەلگەن. ەكەسٸ قانات ايتباەۆ پەن اناسى سۆەتلانا ايتباەۆا – قازاقستانعا تانىمال ٶنەر قايراتكەرلەرٸ. ديماش بالا كەزٸنەن مۋزىكاعا قىزىعىپ, بەس جاسىندا العاش رەت ساحناعا شىققان. ول احمەت جۇبانوۆ اتىنداعى اقتٶبە مۋزىكالىق كوللەدجٸندە بٸلٸم العان. كەيٸن قازاق ۇلتتىق ٶنەر ۋنيۆەرسيتەتٸندە وقۋىن جالعاستىرىپ, كەسٸبي مۋزىكالىق بٸلٸمٸن جەتٸلدٸرگەن. 2015 جىلى بەلارۋستٸڭ ۆيتەبسك قالاسىندا ٶتكەن حالىقارالىق "سلاۆيان بازارى" بايقاۋىندا باس جٷلدەنٸ جەڭٸپ الدى. بۇل جەتٸستٸك ونىڭ حالىقارالىق مۋزىكالىق مانسابىنداعى ماڭىزدى بەلەستەردٸڭ بٸرٸ بولدى.
2017 جىلى قىتايداعى Singer مۋزىكالىق بايقاۋىنا قاتىسىپ, ەكٸنشٸ ورىن يەلەندٸ.
سول جىلى استانادا "باستاۋ" اتتى العاشقى اۋقىمدى جەكە كونتسەرتٸن ٶتكٸزدٸ. ديماشتىڭ رەپەرتۋارىندا قازاق, ورىس, اعىلشىن, فرانتسۋز, يتاليان جەنە باسقا دا تٸلدەردەگٸ ەندەر بار. ول پوپ, كلاسسيكالىق جەنە دەستٷرلٸ مۋزىكانى ٷيلەستٸرٸپ ورىندايدى. ەنشٸ فورتەپيانو مەن دومبىرا سەكٸلدٸ مۋزىكالىق اسپاپتاردا ويناپ, ٶزٸ دە ەن جازادى.
بٷگٸندە ديماش قۇدايبەرگەن حالىقارالىق ساحنالاردا ٶنەر كٶرسەتٸپ, قازاق مۋزىكاسى مەن مەدەنيەتٸن ەلەمگە تانىستىرىپ كەلەدٸ.
