قازاقستاندا پلاستيكالىق حيرۋرگتەر ورتاشا جالاقى مٶلشەرٸ بويىنشا 180-نەن استام مەديتسينالىق ماماندىقتىڭ ٸشٸندە ەكٸنشٸ ورىنعا شىقتى. ولار ايىنا ورتا ەسەپپەن 2,1 ميلليون تەڭگەدەن استام جالاقى الادى, دەپ حابارلايدى ult.kz.
Data Hub مەلٸمەتٸ بويىنشا, 2026 جىلعى سەۋٸردە جٷرگٸزٸلگەن دەنساۋلىق ساقتاۋ جەنە ەلەۋمەتتٸك قىزمەت كٶرسەتۋ كەسٸپورىندارىن ٸرٸكتەمەلٸ زەرتتەۋ نەتيجەسٸنە سەيكەس, ەڭ جوعارى جالاقى جاق-بەت حيرۋرگتەرٸنە تيەسٸلٸ. ولاردىڭ ورتاشا ەسەپتەلگەن ايلىعى 2 ميلليون 384 مىڭ تەڭگە بولعان.
ەكٸنشٸ ورىندا – پلاستيكالىق حيرۋرگتەر. ولاردىڭ ورتاشا جالاقىسى 2 ميلليون 146 مىڭ تەڭگەگە جەتكەن. بۇل – ورتاشا تابىسى 2 ميلليون تەڭگەدەن اساتىن جالعىز ەكٸ مەديتسينالىق ماماندىق.
ٷشٸنشٸ ورىنعا ورتاشا جالاقىسى 1 ميلليون 256 مىڭ تەڭگە بولاتىن تسيتوپاتولوگ دەرٸگەرلەر جايعاسقان.
جالاقى مٶلشەرٸ بويىنشا كەلەسٸ ورىنداردا:
- تٶتەنشە جاعدايلار مەن اپاتتار مەديتسيناسىنىڭ دەرٸگەرلەرٸ – 864 مىڭ تەڭگە;
- بالالار كومبۋستيولوگتەرٸ (كٷيٸك جاراقاتتارىن ەمدەيتٸن دەرٸگەرلەر) – 833 مىڭ تەڭگە;
- فۋنكتسيونالدىق دياگنوستيكا كارديولوگتارى – 821 مىڭ تەڭگە;
- رەنتگەنحيرۋرگتەر – 803 مىڭ تەڭگە;
- كارديوحيرۋرگتەر – 729–758 مىڭ تەڭگە;
- ەرەسەكتەرگە قىزمەت كٶرسەتەتٸن انگيوحيرۋرگتەر – 737 مىڭ تەڭگە.
زەرتتەۋ نەتيجەسٸ نەگە ٶزگەردٸ?
زەرتتەۋ اۆتورلارى رەيتينگ نەتيجەلەرٸ ٸرٸكتەمەنٸڭ قۇرىلىمىنا بايلانىستى ٶزگەرۋٸ مٷمكٸن ەكەنٸن ەسكەرتەدٸ. كەسٸپورىن نەعۇرلىم ٸرٸ بولسا, زەرتتەۋگە ونىڭ قىزمەتكەرلەرٸنٸڭ سوعۇرلىم از بٶلٸگٸ قامتىلادى. مىسالى, شامامەن 5 مىڭ ادام جۇمىس ٸستەيتٸن ۇيىمدا ەربٸر جٷزٸنشٸ قىزمەتكەردٸڭ جالاقىسى عانا ەسەپكە الىنۋى مٷمكٸن.
بۇل جاعداي 2025 جىلمەن سالىستىرعاندا رەيتينگتٸڭ كٷرت ٶزگەرۋٸنە ٸشٸنارا ەسەر ەتكەن. بىلتىر ەڭ جوعارى جالاقى الاتىن دەرٸگەرلەر قاتارىندا كارديوحيرۋرگتەر كٶش باستاپ, ولاردىڭ ورتاشا ايلىعى شامامەن 1 ميلليون تەڭگە بولعان. ال پلاستيكالىق جەنە جاق-بەت حيرۋرگتەرٸ ٷزدٸك 100 ماماندىقتىڭ قاتارىنا دا كٸرمەگەن. ولاردىڭ ورتاشا جالاقىسى 500 مىڭ تەڭگەدەن تٶمەن بولعان.
ايتا كەتەيٸك, زەرتتەۋدە كٶرسەتٸلگەن سومالار – سالىقتار مەن باسقا دا مٸندەتتٸ تٶلەمدەر ۇستالماعانعا دەيٸنگٸ ەسەپتەلگەن جالاقى مٶلشەرٸ. سوندىقتان دەرٸگەرلەردٸڭ قولعا الاتىن ناقتى تابىسى بۇدان تٶمەن بولۋى مٷمكٸن.
