Foto: instagram.com/enot_pics
Fotograf Andrei Tiýshin Qazaqstan aspanynda erekshe tabiǵi qubylysty sýretke túsirdi, - dep habarlaidy Tengritravel.kz.
Sáýirdiń 23-nen 24-ne qaraǵan túni 27 jastaǵy fotograf Andrei Tiýshin Batys Qazaqstan oblysynda soltústik shuǵylany sýretke túsirgen.
"Bizge poliar shuǵylasy jaily aitqanda, birden Islandiia, Finliandiia nemese Reseidiń soltústigi dep oilaimyz, Qazaqstanda bolýy múmkin ekeni oiǵa kirip-shyqpaidy. Sáýirdiń 23-nen 24-ne qaraǵan túni Jerde óte qýatty magnit tolqýy boldy, onyń teriskei shuǵylasy Qazaqstanǵa deiin jetti! Meniń baǵym janyp, sol túni Oraldyń ońtústiginde 30 shaqyrym jerde boldym, osylaisha osy jerler úshin shynymen erekshe qubylysty - Qazaqstan dalasyndaǵy Avroranyń biin tamashaladym", - dep jazdy avtor sýret sipattamasynda.
Er adam juldyzdy aspandy túsirýge mashyqtanǵan, ol Qazaqstanǵa eńbek demalysyna kelgen.
"Qazaqstanda júrgenime bir apta da bolǵan joq. BQO-ǵa eńbek demalysyna keldim, munda dostarym kóp. Byltyr jazda bolǵanmyn jáne juldyzdy aspannyń sulýlyǵyna tántimin, munda jaryqtyń lastaný deńgeii óte tómen, sonyń áserinen sýretter taza shyǵady", - dep túsindirdi ol.
Fotograftyń aitýynsha, onyń josparynda Aidy kókjiekke tyǵylmai turǵanda birneshe sýret túsirip qalý bolǵan.
"Alaida tún jarymda, shamamen 00:30-da aspanda sáýleler oinai bastady, basynda men ony shań kóterilgen shyǵar dep oiladym. Sýretke túsirýdi oilamadym, mundai qubylysty munda, BQO-da kóremin dep oilamadym. Birneshe sýret túsirgennen keiin ǵana rasymen poliar shuǵylasy ekenin ańǵardym", - deidi Andrei Tiýshin.
Almatylyq ionosfera institýtynyń ǵalymdary bul jaǵdaidy bylai túsindirdi: Oralda geomagnittik observatoriia joq, alaida óte qýatty magnit tolqýy bolǵan kezde poliar shuǵylasyn orta endikte kórýge bolady.
"Almatydaǵy geomagnittik observatoriianyń málimetinshe, sáýirdiń 23-nen 24-ne qaraǵan túni úlken magnit tolqýynyń bir kezeńi tirkeldi - Astana ýaqyty boiynsha, 00:00-den 03:00-ge deiin", - dedi institýt ókilderi.
