فوتو: instagram.com/enot_pics
فوتوگراف اندرەي تيۋشين قازاقستان اسپانىندا ەرەكشە تابيعي قۇبىلىستى سۋرەتكە تٷسٸردٸ, - دەپ حابارلايدى Tengritravel.kz.
سەۋٸردٸڭ 23-نەن 24-نە قاراعان تٷنٸ 27 جاستاعى فوتوگراف اندرەي تيۋشين باتىس قازاقستان وبلىسىندا سولتٷستٸك شۇعىلانى سۋرەتكە تٷسٸرگەن.
"بٸزگە پوليار شۇعىلاسى جايلى ايتقاندا, بٸردەن يسلاندييا, فينلياندييا نەمەسە رەسەيدٸڭ سولتٷستٸگٸ دەپ ويلايمىز, قازاقستاندا بولۋى مٷمكٸن ەكەنٸ ويعا كٸرٸپ-شىقپايدى. سەۋٸردٸڭ 23-نەن 24-نە قاراعان تٷنٸ جەردە ٶتە قۋاتتى ماگنيت تولقۋى بولدى, ونىڭ تەرٸسكەي شۇعىلاسى قازاقستانعا دەيٸن جەتتٸ! مەنٸڭ باعىم جانىپ, سول تٷنٸ ورالدىڭ وڭتٷستٸگٸندە 30 شاقىرىم جەردە بولدىم, وسىلايشا وسى جەرلەر ٷشٸن شىنىمەن ەرەكشە قۇبىلىستى - قازاقستان دالاسىنداعى اۆرورانىڭ بيٸن تاماشالادىم", - دەپ جازدى اۆتور سۋرەت سيپاتتاماسىندا.
ەر ادام جۇلدىزدى اسپاندى تٷسٸرۋگە ماشىقتانعان, ول قازاقستانعا ەڭبەك دەمالىسىنا كەلگەن.
"قازاقستاندا جٷرگەنٸمە بٸر اپتا دا بولعان جوق. بقو-عا ەڭبەك دەمالىسىنا كەلدٸم, مۇندا دوستارىم كٶپ. بىلتىر جازدا بولعانمىن جەنە جۇلدىزدى اسپاننىڭ سۇلۋلىعىنا تەنتٸمٸن, مۇندا جارىقتىڭ لاستانۋ دەڭگەيٸ ٶتە تٶمەن, سونىڭ ەسەرٸنەن سۋرەتتەر تازا شىعادى", - دەپ تٷسٸندٸردٸ ول.
فوتوگرافتىڭ ايتۋىنشا, ونىڭ جوسپارىندا ايدى كٶكجيەككە تىعىلماي تۇرعاندا بٸرنەشە سۋرەت تٷسٸرٸپ قالۋ بولعان.
"الايدا تٷن جارىمدا, شامامەن 00:30-دا اسپاندا سەۋلەلەر ويناي باستادى, باسىندا مەن ونى شاڭ كٶتەرٸلگەن شىعار دەپ ويلادىم. سۋرەتكە تٷسٸرۋدٸ ويلامادىم, مۇنداي قۇبىلىستى مۇندا, بقو-دا كٶرەمٸن دەپ ويلامادىم. بٸرنەشە سۋرەت تٷسٸرگەننەن كەيٸن عانا راسىمەن پوليار شۇعىلاسى ەكەنٸن اڭعاردىم", - دەيدٸ اندرەي تيۋشين.
الماتىلىق يونوسفەرا ينستيتۋتىنىڭ عالىمدارى بۇل جاعدايدى بىلاي تٷسٸندٸردٸ: ورالدا گەوماگنيتتٸك وبسەرۆاتورييا جوق, الايدا ٶتە قۋاتتى ماگنيت تولقۋى بولعان كەزدە پوليار شۇعىلاسىن ورتا ەندٸكتە كٶرۋگە بولادى.
"الماتىداعى گەوماگنيتتٸك وبسەرۆاتورييانىڭ مەلٸمەتٸنشە, سەۋٸردٸڭ 23-نەن 24-نە قاراعان تٷنٸ ٷلكەن ماگنيت تولقۋىنىڭ بٸر كەزەڭٸ تٸركەلدٸ - استانا ۋاقىتى بويىنشا, 00:00-دەن 03:00-گە دەيٸن", - دەدٸ ينستيتۋت ٶكٸلدەرٸ.
