Oral turǵyndary birneshe kún boiy áleýmettik jelilerde ushaq izderi anyq kórinetin aspan videolary men sýretterin bólisip jatyr, - dep habarlaidy Tengrinews.kz.
"Mundaidy kórmegeli kóp bolǵan edi. Ýkrainada soǵys bastalǵaly osy. Bul Batys Qazaqstan oblysynyń aýmaǵy", - deidi Oral mańynda túsirilgen roliktiń avtory.
Alaida kei toptarda mamandar bul qubylysty túsindirgen.
"Resei sheteldik ushaqtarǵa áýe keńistigin jaýyp tastady, qazir barlyǵy bizdiń el aýmaǵy arqyly ushady. Reseidiń ońtústigindegi barlyq derlik áýejai jabylyp, Sochiden basqa kóptegen qalanyń aspany jabyldy. Flightradar24-te kóre alasyz", - delingen pikirlerdiń birinde.
BQO ákiminiń baspasóz qyzmeti aqparatty rastap, bul izder óńir aýmaǵynan ushatyn ushaqtar sanynyń artýyna bailanysty ekenin habarlady.
"Reseilik ushaqtarǵa basqa elderdiń ústinen ushýǵa ruqsat joq. Sondyqtan bizdiń áýe keńistigimiz paidalanylady", - dedi BQO ákiminiń baspasóz hatshysy Nurhat Janboz.
