ورال تۇرعىندارى بٸرنەشە كٷن بويى ەلەۋمەتتٸك جەلٸلەردە ۇشاق ٸزدەرٸ انىق كٶرٸنەتٸن اسپان ۆيدەولارى مەن سۋرەتتەرٸن بٶلٸسٸپ جاتىر, - دەپ حابارلايدى Tengrinews.kz.
"مۇندايدى كٶرمەگەلٸ كٶپ بولعان ەدٸ. ۋكراينادا سوعىس باستالعالى وسى. بۇل باتىس قازاقستان وبلىسىنىڭ اۋماعى", - دەيدٸ ورال ماڭىندا تٷسٸرٸلگەن روليكتٸڭ اۆتورى.
الايدا كەي توپتاردا ماماندار بۇل قۇبىلىستى تٷسٸندٸرگەن.
"رەسەي شەتەلدٸك ۇشاقتارعا ەۋە كەڭٸستٸگٸن جاۋىپ تاستادى, قازٸر بارلىعى بٸزدٸڭ ەل اۋماعى ارقىلى ۇشادى. رەسەيدٸڭ وڭتٷستٸگٸندەگٸ بارلىق دەرلٸك ەۋەجاي جابىلىپ, سوچيدەن باسقا كٶپتەگەن قالانىڭ اسپانى جابىلدى. Flightradar24-تە كٶرە الاسىز", - دەلٸنگەن پٸكٸرلەردٸڭ بٸرٸندە.
بقو ەكٸمٸنٸڭ باسپاسٶز قىزمەتٸ اقپاراتتى راستاپ, بۇل ٸزدەر ٶڭٸر اۋماعىنان ۇشاتىن ۇشاقتار سانىنىڭ ارتۋىنا بايلانىستى ەكەنٸن حابارلادى.
"رەسەيلٸك ۇشاقتارعا باسقا ەلدەردٸڭ ٷستٸنەن ۇشۋعا رۇقسات جوق. سوندىقتان بٸزدٸڭ ەۋە كەڭٸستٸگٸمٸز پايدالانىلادى", - دەدٸ بقو ەكٸمٸنٸڭ باسپاسٶز حاتشىسى نۇرحات جانبوز.
