Ońtústik Koreia prezidenti Li Chje Mion Qazaqstan Prezidenti Qasym-Jomart Toqaevqa jáne Ulttyq qaýipsizdik komitetine halyqaralyq qylmystyq top múshelerin ustaýǵa kórsetken kómegi úshin alǵys bildirdi, dep habarlaidy ult.kz.
Qazaqstan aýmaǵynda Ońtústik Koreia azamattary ustalǵan. Olar aýqymdy daýystyq fishing uiymdastyrdy degen kúdikke ilingen. Kúdiktiler buǵan deiin Kambodja men Vetnamda jasyrynǵan. Olardyń áreketinen Ońtústik Koreia azamattary zardap shekken.
Kúdiktiler ustalǵannan keiin eki apta ishinde Ońtústik Koreiaǵa ekstraditsiialanǵan. Qazir qylmystyq isti Ońtústik Koreia politsiiasy tergep jatyr.
Li Chje Mionniń aitýynsha, kúdiktilerdi ustaýdan bastap ekstraditsiialaýǵa deiingi protsestiń qysqa merzimde júzege asýyna Qazaqstan biligimen tyǵyz yntymaqtastyq múmkindik bergen.
«Prezident Toqaevqa jáne tiisti vedomstvolarǵa tereń rizashylyǵymdy bildiremin», – dep jazdy Ońtústik Koreia prezidenti X áleýmettik jelisindegi paraqshasynda.
Sonymen qatar Ońtústik Koreia basshysy aldaǵy «Koreia – Ortalyq Aziia» sammitinde Qasym-Jomart Toqaevpen jeke kezdesýge úmit bildirdi.
Li Chje Mion Seýl álemniń kez kelgen elinde azamattardyń qaýipsizdigine qater tóndiretin uiymdasqan qylmystyq toptarǵa qarsy kúresti qatań jalǵastyratynyn málimdedi.
