Ońtústik Qazaqstan oblystyq «Nur Otan» partiiasynyń Maqtaral aýdandyq filialynda kezekten tys 29-shy konferentsiia ótti. Kópshiliktiń basyn qosqan jiynda Elbasynyń «Bolashaqqa baǵdar: rýhani jańǵyrý» maqalasyndaǵy basymdyqty baǵyttardy aýdanda iske asyrý barysy sóz boldy, dep habarlaidy QazAqparat tilshisi.
Konferentsiiada aýdan ákimi jáne filial tóraǵasy Ǵalym Ismailov maqala aiasynda júrgizilgen ister jóninde baiandama jasady. Tóraǵa jańǵyrý ideiasy halyq arasynda qyzý qoldaýǵa ie ekenin atap ótti. Sonymen qatar, partiia múshelerinen quralǵan top Jetisai qalasy men Asyqata, Atakent, Myrzakent eldimekenderinde belsendi úgit-nasihat júrgizdi.
«Elbasynyń «Bolashaqqa baǵdar: rýhani jańǵyrý» maqalasy barlyq bastaýysh partiia uiymdary men eńbek ujymdarynda talqylandy. Aldaǵy ýaqytta da bul jumystar ary qarai júrgiziletin bolady. Elimiz saiasi reformalar men ekonomikalyq jańǵyrtýlardy júzege asyryp, damyǵan 50 eldiń qataryna endi. Endi aldymyzda damyǵan 30 eldiń qataryna ený mindeti tur. Osy asa mańyzdy mindetterdi oryndaý úshin Memleket basshysy ǵylym, bilim men mádenietti, tarihty tutastai qamtityn ulttyq rýhani jańǵyrýdy usynyp otyr»,- dedi Ǵalym Ismailov.
Jiynda partiia músheleri aldyndaǵy atqarylar jumystar anyqtaldy. Kún tártibindegi máseleler oń sheshimin taýyp, aýdandyq filialdyń saiasi keńes quramy úsh múshemen tolyqty. El aldyndaǵy ortaq mindetti aiqyndaǵan nurotandyqtar, bas partiianyń kezekten tys 32-shi oblystyq konferentsiiasyna 56 delegat sailady.
