وڭتٷستٸك قازاقستان وبلىستىق «نۇر وتان» پارتيياسىنىڭ ماقتارال اۋداندىق فيليالىندا كەزەكتەن تىس 29-شى كونفەرەنتسييا ٶتتٸ. كٶپشٸلٸكتٸڭ باسىن قوسقان جيىندا ەلباسىنىڭ «بولاشاققا باعدار: رۋحاني جاڭعىرۋ» ماقالاسىنداعى باسىمدىقتى باعىتتاردى اۋداندا ٸسكە اسىرۋ بارىسى سٶز بولدى, دەپ حابارلايدى قازاقپارات تٸلشٸسٸ.
كونفەرەنتسييادا اۋدان ەكٸمٸ جەنە فيليال تٶراعاسى عالىم يسمايلوۆ ماقالا اياسىندا جٷرگٸزٸلگەن ٸستەر جٶنٸندە بايانداما جاسادى. تٶراعا جاڭعىرۋ يدەياسى حالىق اراسىندا قىزۋ قولداۋعا يە ەكەنٸن اتاپ ٶتتٸ. سونىمەن قاتار, پارتييا مٷشەلەرٸنەن قۇرالعان توپ جەتٸساي قالاسى مەن اسىقاتا, اتاكەنت, مىرزاكەنت ەلدٸمەكەندەرٸندە بەلسەندٸ ٷگٸت-ناسيحات جٷرگٸزدٸ.
«ەلباسىنىڭ «بولاشاققا باعدار: رۋحاني جاڭعىرۋ» ماقالاسى بارلىق باستاۋىش پارتييا ۇيىمدارى مەن ەڭبەك ۇجىمدارىندا تالقىلاندى. الداعى ۋاقىتتا دا بۇل جۇمىستار ارى قاراي جٷرگٸزٸلەتٸن بولادى. ەلٸمٸز ساياسي رەفورمالار مەن ەكونوميكالىق جاڭعىرتۋلاردى جٷزەگە اسىرىپ, دامىعان 50 ەلدٸڭ قاتارىنا ەندٸ. ەندٸ الدىمىزدا دامىعان 30 ەلدٸڭ قاتارىنا ەنۋ مٸندەتٸ تۇر. وسى اسا ماڭىزدى مٸندەتتەردٸ ورىنداۋ ٷشٸن مەملەكەت باسشىسى عىلىم, بٸلٸم مەن مەدەنيەتتٸ, تاريحتى تۇتاستاي قامتيتىن ۇلتتىق رۋحاني جاڭعىرۋدى ۇسىنىپ وتىر»,- دەدٸ عالىم يسمايلوۆ.
جيىندا پارتييا مٷشەلەرٸ الدىنداعى اتقارىلار جۇمىستار انىقتالدى. كٷن تەرتٸبٸندەگٸ مەسەلەلەر وڭ شەشٸمٸن تاۋىپ, اۋداندىق فيليالدىڭ ساياسي كەڭەس قۇرامى ٷش مٷشەمەن تولىقتى. ەل الدىنداعى ورتاق مٸندەتتٸ ايقىنداعان نۇروتاندىقتار, باس پارتييانىڭ كەزەكتەن تىس 32-شٸ وبلىستىق كونفەرەنتسيياسىنا 56 دەلەگات سايلادى.
