Qazaqstan boiynsha onlain qurban shalýǵa arnalǵan maldyń baǵasy belgili boldy, dep habarlaidy Ulysmedia.kz.
Qazaqstan Musylmandar dini basqarmasy jariialaǵan kestege sáikes 2022 jyly Qurban ait merekesi 9-11 shilde aralyǵynda bolady. Osyǵan bailanysty QMDB onlain qurbandyq shalýǵa múmkindik beretin qurban2022.kz saityn iske qosqanyn jariialaǵan bolatyn.
Atalmysh saitta ár óńirge qatysty qurbandyqqa shalynatyn maldyń baǵasy jariialanǵan. Bul rette Nur-Sultan qalasynda qoidyń baǵasy 70 myń bolsa, Almaty qalasy boiynsha 65 myń teńge boldy. Bul baǵaǵa qasapshynyń eńbek aqysy kiredi. Qalǵan qyzmet túrleri (maldy bólshektep soiý, paketterge salyp, muqtajdarǵa jetkizý) tegin júzege asady.
QMDB resmi saitynyń málimetterine sáikes, qazirgi ýaqytta onlain qurban shalýǵa 762 adam tapsyrys bergen, onyń ishinde Almaty (111) men Nur-Sultanda (94) eń kóp adam ótinish qaldyrǵan. Aita ketetin jait, tapsyrys berýshilerdiń basym kópshiligi qurbandyq maly retinde qoidy tańdaǵan – 224. Eshkige 47 adam tapsyrys bergen bolsa, iri qara malǵa suranys az bolyp tur – 9. Túiege eshbir adam tapsyrys bermegen bolyp shyqty.
Sonymen birge statistikaǵa sáikes, osy ýaqytta 1513 adam etke muqtaj retinde saitqa tirkelgen. Onyń ishinde eń kóbi Nur-Sultan (730), Almaty (267) jáne Mańǵystaý oblysynan (101) ekendigi belgili boldy.
