قازاقستان بويىنشا ونلاين قۇربان شالۋعا ارنالعان مالدىڭ باعاسى بەلگٸلٸ بولدى, دەپ حابارلايدى Ulysmedia.kz.
قازاقستان مۇسىلماندار دٸني باسقارماسى جارييالاعان كەستەگە سەيكەس 2022 جىلى قۇربان ايت مەرەكەسٸ 9-11 شٸلدە ارالىعىندا بولادى. وسىعان بايلانىستى قمدب ونلاين قۇرباندىق شالۋعا مٷمكٸندٸك بەرەتٸن qurban2022.kz سايتىن ٸسكە قوسقانىن جارييالاعان بولاتىن.
اتالمىش سايتتا ەر ٶڭٸرگە قاتىستى قۇرباندىققا شالىناتىن مالدىڭ باعاسى جارييالانعان. بۇل رەتتە نۇر-سۇلتان قالاسىندا قويدىڭ باعاسى 70 مىڭ بولسا, الماتى قالاسى بويىنشا 65 مىڭ تەڭگە بولدى. بۇل باعاعا قاساپشىنىڭ ەڭبەك اقىسى كٸرەدٸ. قالعان قىزمەت تٷرلەرٸ (مالدى بٶلشەكتەپ سويۋ, پاكەتتەرگە سالىپ, مۇقتاجدارعا جەتكٸزۋ) تەگٸن جٷزەگە اسادى.
قمدب رەسمي سايتىنىڭ مەلٸمەتتەرٸنە سەيكەس, قازٸرگٸ ۋاقىتتا ونلاين قۇربان شالۋعا 762 ادام تاپسىرىس بەرگەن, ونىڭ ٸشٸندە الماتى (111) مەن نۇر-سۇلتاندا (94) ەڭ كٶپ ادام ٶتٸنٸش قالدىرعان. ايتا كەتەتٸن جايت, تاپسىرىس بەرۋشٸلەردٸڭ باسىم كٶپشٸلٸگٸ قۇرباندىق مالى رەتٸندە قويدى تاڭداعان – 224. ەشكٸگە 47 ادام تاپسىرىس بەرگەن بولسا, ٸرٸ قارا مالعا سۇرانىس از بولىپ تۇر – 9. تٷيەگە ەشبٸر ادام تاپسىرىس بەرمەگەن بولىپ شىقتى.
سونىمەن بٸرگە ستاتيستيكاعا سەيكەس, وسى ۋاقىتتا 1513 ادام ەتكە مۇقتاج رەتٸندە سايتقا تٸركەلگەن. ونىڭ ٸشٸندە ەڭ كٶبٸ نۇر-سۇلتان (730), الماتى (267) جەنە ماڭعىستاۋ وبلىسىنان (101) ەكەندٸگٸ بەلگٸلٸ بولدى.
