23 qazanǵa deiin óńirlerge 100 meditsinalyq keshen jetkiziledi. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy "Ult aqparat".
«Ýaqytyly diagnoz qoiý úshin aýdandyq aýrýhanalar 53 rentgen apparatymen tolyq jabdyqtaldy. 23 qazanǵa deiin óńirlerge 100 meditsinalyq keshen jetkiziledi. Onyń ishinde qazirgi tańda 25 jyljymaly meditsinalyq keshen óńirlerge jetkizilip otyr. Olardyń ishine zerthanalyq, rentgen apparattary ornatylǵan, terapevt, ginekolog syndy kadrlary bar. Búkil aýyl-aimaqty aralap, meditsinalyq kómek kórsetetin bolady», - dedi Ajar Ǵiniiat Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, barlyq aimaqtaǵy aýrýhanalardy ókpeni jasandy jeldetý apparatymen qamtý jumystary júrgizilýde. Qazir elimizde mundai apparattardyń sany 4 myńnan asty. Barlyq aýrýhana qamtamasyz etildi.
«Qazaqstan zaýyttarynda 376 jedel járdem kólikteri qurastyrylyp, onyń 220-sy óńirlerge jiberildi. Qalǵan 156-sy aldaǵy ýaqytta jetkiziledi. Búgingi kúni halyqty dárilik zattarmen, meditsinalyq buiymdarmen qamtý ministrliktiń baqylaýynda. Byltyr ambýlatorlyq deńgeide dári-dármekpen tegin qamtamasyz etý 45 aýrý boiynsha qamtylsa, biyl mindetti áleýmettik meditsinalyq saqtandyrý júiesi aiasynda 105 aýrýǵa dárilik zattar tegin berilip jatyr», - dedi ol.
