23 قازانعا دەيٸن ٶڭٸرلەرگە 100 مەديتسينالىق كەشەن جەتكٸزٸلەدٸ. بۇل تۋرالى قر دەنساۋلىق ساقتاۋ ۆيتسە-مينيسترٸ اجار عينييات ايتتى, دەپ حابارلايدى "ۇلت اقپارات".
«ۋاقىتىلى دياگنوز قويۋ ٷشٸن اۋداندىق اۋرۋحانالار 53 رەنتگەن اپپاراتىمەن تولىق جابدىقتالدى. 23 قازانعا دەيٸن ٶڭٸرلەرگە 100 مەديتسينالىق كەشەن جەتكٸزٸلەدٸ. ونىڭ ٸشٸندە قازٸرگٸ تاڭدا 25 جىلجىمالى مەديتسينالىق كەشەن ٶڭٸرلەرگە جەتكٸزٸلٸپ وتىر. ولاردىڭ ٸشٸنە زەرتحانالىق, رەنتگەن اپپاراتتارى ورناتىلعان, تەراپەۆت, گينەكولوگ سىندى كادرلارى بار. بٷكٸل اۋىل-ايماقتى ارالاپ, مەديتسينالىق كٶمەك كٶرسەتەتٸن بولادى», - دەدٸ اجار عينييات ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, بارلىق ايماقتاعى اۋرۋحانالاردى ٶكپەنٸ جاساندى جەلدەتۋ اپپاراتىمەن قامتۋ جۇمىستارى جٷرگٸزٸلۋدە. قازٸر ەلٸمٸزدە مۇنداي اپپاراتتاردىڭ سانى 4 مىڭنان استى. بارلىق اۋرۋحانا قامتاماسىز ەتٸلدٸ.
«قازاقستان زاۋىتتارىندا 376 جەدەل جەردەم كٶلٸكتەرٸ قۇراستىرىلىپ, ونىڭ 220-سى ٶڭٸرلەرگە جٸبەرٸلدٸ. قالعان 156-سى الداعى ۋاقىتتا جەتكٸزٸلەدٸ. بٷگٸنگٸ كٷنٸ حالىقتى دەرٸلٸك زاتتارمەن, مەديتسينالىق بۇيىمدارمەن قامتۋ مينيسترلٸكتٸڭ باقىلاۋىندا. بىلتىر امبۋلاتورلىق دەڭگەيدە دەرٸ-دەرمەكپەن تەگٸن قامتاماسىز ەتۋ 45 اۋرۋ بويىنشا قامتىلسا, بيىل مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ اياسىندا 105 اۋرۋعا دەرٸلٸك زاتتار تەگٸن بەرٸلٸپ جاتىر», - دەدٸ ول.
