MSM Sport jáne dene shynyqtyrý isteri komiteti tóraǵasynyń orynbasary Serik Jarasbaev balalarǵa arnalǵan sport sektsiialary jetkiliksiz ekenin aitty, dep habarlaidy QazAqparat.
«Ministrlik aldyna úlken maqsat júkteldi. Biyldyń qyrkúiek aiynda Memleket basshysy bergen tapsyrma aiasynda buqaralyq jasóspirimder sportyn damytýǵa ekpin qoiylyp otyr. Joldaýda kásibi klýbtar jaiynda aitylǵan edi. Qazirgi ýaqytta Úkimet, Mádeniet jáne sport ministrligi búkil jergilikti atqarýshy organdarmen birlesip osy baǵyt boiynsha jumys jasaýda. Taldaý málimetterine súiensek, 98 kásibi sporttyq oiyn klýby bar. Olardyń 99 paiyzy jergilikti atqarýshy organ biýdjeti qarjysyn alyp otyr. Memlekettik organdarmen, oiyn sport túrleri federatsiialarymen birlesip osy tapsyrmany jyldyń aiaǵyna deiin oryndaý úshin naqty joldaryn atqarýdamyz», - dedi S. Jarasbaev dedi Ortalyq kommýnikatsiialar qyzmetinde.
Osy oraida ol qarjyny buqaralyq sportqa, balalar men jasóspirimder sportyna, tegin sport sektsiialaryn ashýǵa jumsalatynyn atap ótti.
«Jergilikti atqarýshy organdar statiskasyn zerttep shyqtyq. Qazir kezde 120 myńnan astam sektsiia bar. Biraq olar balalar úshin jetkiliksiz dep aitýǵa bolady. Sondyqtan osy tapsyrmany oryndaý úshin birazdan beri iske asyrylyp kele jatqan jobalar qamtyldy. Bilim ministrligimen, tirkelgen federatsiialarmen birlesip bul baǵyttaǵy sharalardy atqaryp jatyrmyz», - dedi komitet ókili.
Aita keteiik, Joldaýda Memleket basshysy buqaralyq sportqa bailanysty birqatar atqarylatyn jumys legin pysyqtap, qazirgi jaǵdaida kəsibi sport klýbtaryn memleket tarapynan qarjylandyrýdyń qajeti joǵyn ashyp kórsetti.
