مسم سپورت جەنە دەنە شىنىقتىرۋ ٸستەرٸ كوميتەتٸ تٶراعاسىنىڭ ورىنباسارى سەرٸك جاراسباەۆ بالالارعا ارنالعان سپورت سەكتسييالارى جەتكٸلٸكسٸز ەكەنٸن ايتتى, دەپ حابارلايدى قازاقپارات.
«مينيسترلٸك الدىنا ٷلكەن ماقسات جٷكتەلدٸ. بيىلدىڭ قىركٷيەك ايىندا مەملەكەت باسشىسى بەرگەن تاپسىرما اياسىندا بۇقارالىق جاسٶسپٸرٸمدەر سپورتىن دامىتۋعا ەكپٸن قويىلىپ وتىر. جولداۋدا كەسٸبي كلۋبتار جايىندا ايتىلعان ەدٸ. قازٸرگٸ ۋاقىتتا ٷكٸمەت, مەدەنيەت جەنە سپورت مينيسترلٸگٸ بٷكٸل جەرگٸلٸكتٸ اتقارۋشى ورگاندارمەن بٸرلەسٸپ وسى باعىت بويىنشا جۇمىس جاساۋدا. تالداۋ مەلٸمەتتەرٸنە سٷيەنسەك, 98 كەسٸبي سپورتتىق ويىن كلۋبى بار. ولاردىڭ 99 پايىزى جەرگٸلٸكتٸ اتقارۋشى ورگان بيۋدجەتٸ قارجىسىن الىپ وتىر. مەملەكەتتٸك ورگاندارمەن, ويىن سپورت تٷرلەرٸ فەدەراتسييالارىمەن بٸرلەسٸپ وسى تاپسىرمانى جىلدىڭ اياعىنا دەيٸن ورىنداۋ ٷشٸن ناقتى جولدارىن اتقارۋدامىز», - دەدٸ س. جاراسباەۆ دەدٸ ورتالىق كوممۋنيكاتسييالار قىزمەتٸندە.
وسى ورايدا ول قارجىنى بۇقارالىق سپورتقا, بالالار مەن جاسٶسپٸرٸمدەر سپورتىنا, تەگٸن سپورت سەكتسييالارىن اشۋعا جۇمسالاتىنىن اتاپ ٶتتٸ.
«جەرگٸلٸكتٸ اتقارۋشى ورگاندار ستاتيسكاسىن زەرتتەپ شىقتىق. قازٸر كەزدە 120 مىڭنان استام سەكتسييا بار. بٸراق ولار بالالار ٷشٸن جەتكٸلٸكسٸز دەپ ايتۋعا بولادى. سوندىقتان وسى تاپسىرمانى ورىنداۋ ٷشٸن بٸرازدان بەرٸ ٸسكە اسىرىلىپ كەلە جاتقان جوبالار قامتىلدى. بٸلٸم مينيسترلٸگٸمەن, تٸركەلگەن فەدەراتسييالارمەن بٸرلەسٸپ بۇل باعىتتاعى شارالاردى اتقارىپ جاتىرمىز», - دەدٸ كوميتەت ٶكٸلٸ.
ايتا كەتەيٸك, جولداۋدا مەملەكەت باسشىسى بۇقارالىق سپورتقا بايلانىستى بٸرقاتار اتقارىلاتىن جۇمىس لەگٸن پىسىقتاپ, قازٸرگٸ جاعدايدا كəسٸبي سپورت كلۋبتارىن مەملەكەت تاراپىنان قارجىلاندىرۋدىڭ قاجەتٸ جوعىن اشىپ كٶرسەتتٸ.
