Óńirler úshin taýarlyq gazǵa shekti kóterme baǵalardy aǵymdaǵy deńgeide saqtaý týraly sheshim qabyldandy. Bul týraly QR Energetika ministri Nurlan Noǵaev halyq aldynda esep berý kezdesýinde aitty, dep habarlaidy "Ult aqparat".
«Halyqqa, ónerkásiptik tutynýshylar men Qazaqstan Respýblikasynyń kásipkerlerine qoldaý kórsetý úshin QR Energetika ministrligi taýarlyq gazǵa shekti kóterme baǵalardyń ósýine jol bermeý boiynsha jumystar júrgizdi. Óńirler úshin taýarlyq gazǵa shekti kóterme baǵalardy aǵymdaǵy deńgeide saqtaý týraly sheshim qabyldandy», - deidi QR Energetika ministri Nurlan Noǵaev.
Onyń aitýynsha, 2019 jylǵy 1 qańtardan bastap ministrlik taýarlyq gazǵa shekti kóterme saýda baǵalaryn óńirlerde 3,8-den 17,5% sheginde tómendetti.
«Bul elimizdiń barlyq gazdandyrylǵan óńirlerinde elektr energiiasy men jylýǵa túpkilikti baǵany tómendetýge múmkindik berdi. Ministrlik bekitken taýarlyq gazǵa shekti kóterme saýda baǵasy 2019 jylǵy 1 shilde – 2020 jylǵy 30 maýsym aralyǵynda da aǵymdaǵy deńgeide saqtaldy», - deidi ol.
