ٶڭٸرلەر ٷشٸن تاۋارلىق گازعا شەكتٸ كٶتەرمە باعالاردى اعىمداعى دەڭگەيدە ساقتاۋ تۋرالى شەشٸم قابىلداندى. بۇل تۋرالى قر ەنەرگەتيكا مينيسترٸ نۇرلان نوعاەۆ حالىق الدىندا ەسەپ بەرۋ كەزدەسۋٸندە ايتتى, دەپ حابارلايدى "ۇلت اقپارات".
«حالىققا, ٶنەركەسٸپتٸك تۇتىنۋشىلار مەن قازاقستان رەسپۋبليكاسىنىڭ كەسٸپكەرلەرٸنە قولداۋ كٶرسەتۋ ٷشٸن قر ەنەرگەتيكا مينيسترلٸگٸ تاۋارلىق گازعا شەكتٸ كٶتەرمە باعالاردىڭ ٶسۋٸنە جول بەرمەۋ بويىنشا جۇمىستار جٷرگٸزدٸ. ٶڭٸرلەر ٷشٸن تاۋارلىق گازعا شەكتٸ كٶتەرمە باعالاردى اعىمداعى دەڭگەيدە ساقتاۋ تۋرالى شەشٸم قابىلداندى», - دەيدٸ قر ەنەرگەتيكا مينيسترٸ نۇرلان نوعاەۆ.
ونىڭ ايتۋىنشا, 2019 جىلعى 1 قاڭتاردان باستاپ مينيسترلٸك تاۋارلىق گازعا شەكتٸ كٶتەرمە ساۋدا باعالارىن ٶڭٸرلەردە 3,8-دەن 17,5% شەگٸندە تٶمەندەتتٸ.
«بۇل ەلٸمٸزدٸڭ بارلىق گازداندىرىلعان ٶڭٸرلەرٸندە ەلەكتر ەنەرگيياسى مەن جىلۋعا تٷپكٸلٸكتٸ باعانى تٶمەندەتۋگە مٷمكٸندٸك بەردٸ. مينيسترلٸك بەكٸتكەن تاۋارلىق گازعا شەكتٸ كٶتەرمە ساۋدا باعاسى 2019 جىلعى 1 شٸلدە – 2020 جىلعى 30 ماۋسىم ارالىعىندا دا اعىمداعى دەڭگەيدە ساقتالدى», - دەيدٸ ول.
