Foto: Kaznai.kz
Temirbek Júrgenov atyndaǵy Qazaq ulttyq óner akademiiasy S.A. Gerasimov atyndaǵy Búkilreseilik memlekettik kinematografiia institýymen (VGIK) ózara yntymaqtastyq týraly kelisim ornatty. Qujatty qos joǵary oqý ornynyń rektorlary bekitti, dep habarlaidy Ult.kz.
Atalǵan kelisim aiasynda professor-oqytýshylar quramynyń biliktiligin arttyrýǵa baǵyttalǵan «Tsifrlyq tehnologiialardy aýdiovizýaldy óndiriste qoldanýdyń erekshelikteri» degen qosymsha kásibi bilim berý baǵdarlamasyn júzege asyrý josparlanǵan. Baǵdarlama 72 akademiialyq saǵattan turady jáne oǵan aýdiovizýaldy óner, kino jáne animatsiia baǵyttary kiredi.
Sondai-aq Máskeýde «Voshojdenie» halyqaralyq stýdentter kinofestivali ótti. Festivalde TMD elderiniń jas kinematografisteri bas qosty. Temirbek Júrgenov atyndaǵy Qazaq ulttyq óner akademiiasy, Kino jáne televiziia fakýltetiniń stýdentteri úsh birdei júldege ie boldy. Myrza Mahambettiń «Qarasha» filmi «Eń úzdik rejissýra» nominatsiiasyn, «Mamyr áni» filmi «Eń úzdik áiel beinesi» (Aldakeeva Aisha) nominatsiiasyn, Tileýberdi Turarbekulynyń «Ońasha qalǵanda» filmi qazylar alqasynyń arnaiy syilyǵyn aldy.
