فوتو: Kaznai.kz
تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسى س.ا. گەراسيموۆ اتىنداعى بٷكٸلرەسەيلٸك مەملەكەتتٸك كينەماتوگرافييا ينستيتۋىمەن (ۆگيك) ٶزارا ىنتىماقتاستىق تۋرالى كەلٸسٸم ورناتتى. قۇجاتتى قوس جوعارى وقۋ ورنىنىڭ رەكتورلارى بەكٸتتٸ, دەپ حابارلايدى Ult.kz.
اتالعان كەلٸسٸم اياسىندا پروفەسسور-وقىتۋشىلار قۇرامىنىڭ بٸلٸكتٸلٸگٸن ارتتىرۋعا باعىتتالعان «تسيفرلىق تەحنولوگييالاردى اۋديوۆيزۋالدى ٶندٸرٸستە قولدانۋدىڭ ەرەكشەلٸكتەرٸ» دەگەن قوسىمشا كەسٸبي بٸلٸم بەرۋ باعدارلاماسىن جٷزەگە اسىرۋ جوسپارلانعان. باعدارلاما 72 اكادەمييالىق ساعاتتان تۇرادى جەنە وعان اۋديوۆيزۋالدى ٶنەر, كينو جەنە انيماتسييا باعىتتارى كٸرەدٸ.
سونداي-اق مەسكەۋدە «ۆوسحوجدەنيە» حالىقارالىق ستۋدەنتتەر كينوفەستيۆالٸ ٶتتٸ. فەستيۆالدە تمد ەلدەرٸنٸڭ جاس كينەماتوگرافيستەرٸ باس قوستى. تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسى, كينو جەنە تەلەۆيزييا فاكۋلتەتٸنٸڭ ستۋدەنتتەرٸ ٷش بٸردەي جٷلدەگە يە بولدى. مىرزا ماحامبەتتٸڭ «قاراشا» فيلمٸ «ەڭ ٷزدٸك رەجيسسۋرا» نوميناتسيياسىن, «مامىر ەنٸ» فيلمٸ «ەڭ ٷزدٸك ەيەل بەينەسٸ» (الداكەەۆا ايشا) نوميناتسيياسىن, تٸلەۋبەردٸ تۇراربەكۇلىنىڭ «وڭاشا قالعاندا» فيلمٸ قازىلار القاسىنىڭ ارنايى سىيلىعىن الدى.
