Memleket basshysy Qasym-Jomart Toqaev Astana áýejaiynda Qazaqstanǵa memlekettik saparmen kelgen Oman Sultany Haisam ben Tariq Ál Saidty qarsy aldy, dep habarlaidy ult.kz.
Oman Sultany mingen ushaqty Qazaqstan Respýblikasy Áskeri áýe kúshteriniń ushaqtary memlekettik shekaradan elordaǵa deiin qaptaldai ushty.
Mártebeli meimandy qarsy alý rásimine Qurmet qaraýyly rotasy men Prezident orkestri qatysty.
Toqaev: Sapardyń tarihi máni bar
Áýejaidaǵy qysqasha kezdesýde Qasym-Jomart Toqaev Oman Sultanynyń sapary eki el arasyndaǵy qarym-qatynasty damytý turǵysynan tarihi mánge ie ekenin atap ótti.
Prezident Omannyń ekonomikasyn damytýda aitarlyqtai jetistikke jetkenin, halyqaralyq arenada belsendi ári konstrýktivti memleket retinde tanylǵanyn aitty.
«Memleketterimiz arasyndaǵy seriktestiktiń áleýeti zor ekenine senimdimin. Aldymyzda yntymaqtastyq aiasyn meilinshe keńeitý mindeti tur», – dedi Qasym-Jomart Toqaev.
Óz kezeginde Oman Sultany qonaqjailyq tanytqany úshin Prezidentke alǵys aityp, erteńgi kelissózderdiń mazmundy ári nátijeli ótetinine senim bildirdi.
Birqatar qujatqa qol qoiylady
Sapar aiasynda Qazaqstan men Oman basshylarynyń joǵary deńgeidegi kelissózderi ótedi.
Sondai-aq birqatar mańyzdy qujatqa qol qoiý jáne memleketter basshylarynyń qazaq-oman biznes forýmyna qatysýy josparlanǵan.
