مەملەكەت باسشىسى قاسىم-جومارت توقاەۆ استانا ەۋەجايىندا قازاقستانعا مەملەكەتتٸك ساپارمەن كەلگەن ومان سۇلتانى حايسام بەن تاريق ەل سايدتى قارسى الدى, دەپ حابارلايدى ult.kz.
ومان سۇلتانى مٸنگەن ۇشاقتى قازاقستان رەسپۋبليكاسى ەسكەري ەۋە كٷشتەرٸنٸڭ ۇشاقتارى مەملەكەتتٸك شەكارادان ەلورداعا دەيٸن قاپتالداي ۇشتى.
مەرتەبەلٸ مەيماندى قارسى الۋ رەسٸمٸنە قۇرمەت قاراۋىلى روتاسى مەن پرەزيدەنت وركەسترٸ قاتىستى.
توقاەۆ: ساپاردىڭ تاريحي مەنٸ بار
ەۋەجايداعى قىسقاشا كەزدەسۋدە قاسىم-جومارت توقاەۆ ومان سۇلتانىنىڭ ساپارى ەكٸ ەل اراسىنداعى قارىم-قاتىناستى دامىتۋ تۇرعىسىنان تاريحي مەنگە يە ەكەنٸن اتاپ ٶتتٸ.
پرەزيدەنت وماننىڭ ەكونوميكاسىن دامىتۋدا ايتارلىقتاي جەتٸستٸككە جەتكەنٸن, حالىقارالىق ارەنادا بەلسەندٸ ەرٸ كونسترۋكتيۆتٸ مەملەكەت رەتٸندە تانىلعانىن ايتتى.
«مەملەكەتتەرٸمٸز اراسىنداعى سەرٸكتەستٸكتٸڭ ەلەۋەتٸ زور ەكەنٸنە سەنٸمدٸمٸن. الدىمىزدا ىنتىماقتاستىق اياسىن مەيلٸنشە كەڭەيتۋ مٸندەتٸ تۇر», – دەدٸ قاسىم-جومارت توقاەۆ.
ٶز كەزەگٸندە ومان سۇلتانى قوناقجايلىق تانىتقانى ٷشٸن پرەزيدەنتكە العىس ايتىپ, ەرتەڭگٸ كەلٸسسٶزدەردٸڭ مازمۇندى ەرٸ نەتيجەلٸ ٶتەتٸنٸنە سەنٸم بٸلدٸردٸ.
بٸرقاتار قۇجاتقا قول قويىلادى
ساپار اياسىندا قازاقستان مەن ومان باسشىلارىنىڭ جوعارى دەڭگەيدەگٸ كەلٸسسٶزدەرٸ ٶتەدٸ.
سونداي-اق بٸرقاتار ماڭىزدى قۇجاتقا قول قويۋ جەنە مەملەكەتتەر باسشىلارىنىڭ قازاق-ومان بيزنەس فورۋمىنا قاتىسۋى جوسپارلانعان.
