Búgin Astana sotynda Malika Muhitovanyń appeliatsiialyq shaǵymy qaraldy, dep habarlaidy Sputnik Qazaqstan tilshisi.
Sottalýshy óz kinásin tolyǵymen moiyndap, marqumnyń ata-anasynan taǵy da jylap keshirim surady. Ol ózin bas bostandyǵynan aiyrmaýdy ótindi.
Muhitovanyń advokaty Dmitrii Kýriachenko óz qorǵaýyndaǵy adamnyń kinási joq ekenin málimdedi.
"Mototsiklshiniń ruqsat etilmegen jyldamdyǵy kederginiń paida bolýyna ákep soqty. Eger mototsikl ruqsat etilgen jyldamdyqpen júrgende mundai bolmas edi", — dedi Kýriachenko sot zalynda.
Onyń aitýynsha, Astana, Almaty men Omby sarapshylarynyń málimetinshe, videoda kóringen sátten bastap mototsikldiń eń tómengi jyldamdyǵy saǵatyna 80 shaqyrymnan asqan, al tejeý aldyndaǵy joǵary jyldamdyq saǵatyna 116,36 shaqyrymdy qurady.
Advokat Malika Muhitovanyń qyrkúiek aiynda Eskendirdiń ziratyna baryp, keshirim suraǵanyn atap ótti. Al qyzdyń aiaǵy joq atasy eki ret Oljas Súleimenovke baryp, "olardyń azabyn jeńildetý úshin, óz ómirin alýdy" usynǵan.
Zardap shekken taraptyń ókilderi Muhitovanyń advokatynyń málimdemesin negizsiz, obektivti emes dep atady.
Eskendir Súleimenovtiń ata-anasy bul joly sot otyrysyna qatysqan joq.
"Esil aýdandyq sotynyń Muhitovaǵa qatysty úkimin ózgerissiz qaldyrýdy suraimyn. Jábirlenýshiler tarapymen kelispeýshilikter týyndaǵan jaǵdaida, sottalýshy Muhitovanyń nemqurailyǵynan balasynan aiyrylǵan ana retinde meniń pikirime basymdyq berýińizdi ótinemin", — dep oqyp berdi advokat Almira Shaihina marqumnyń anasy Leila Súleimenovanyń hatyn.
Jol apaty qalai boldy?
Jol apaty osy jyldyń 22 maýsymynda Astanadaǵy Máńgilik el – Kerei Jánibek handar kósheleriniń qiylysynda boldy. Belgili aqyn, jazýshy Oljas Súleimenovtiń jieni mototsikl júrgizip kele jatqan. 27 jastaǵy Eskendir Súleimenovtiń mototsikli Hyundai jeńil kóligimen soqtyǵysady. Kólik rólinde Qyzylorda oblysy ishki ister departamentiniń bastyǵy, politsiia polkovnigi Qairat Muhitovtiń qyzy Malika Muhitova otyrǵan. 29 jastaǵy qyz solǵa burylý kezinde mototsiklshige jol bermei, saldarynan jas jigit oqiǵa ornynda kóz jumdy.
Malika Muhitovaǵa QR Qylmystyq kodeksi 345-baby 3-tarmaǵy boiynsha (Jol qozǵalysy nemese kólikti paidalaný erejeleriniń buzylýynan abaisyzda adam ólimine ákep soqqan áreket) aiyp taǵyldy.
Sotta sóilegen sońǵy sózinde Malika Muhitova Eskendir Súleimenovtiń ata-anasynan taǵy bir márte keshirim surap, bas bostandyǵynan aiyrmaýdy ótinip jylap jiberdi.
Sot úkimimen aiyptalýshy kinəli dep tanylyp, qaýipsizdigi tómen qylmystyq-atqarý júiesi mekemesinde jazasyn óteýmen eki jylǵa bas bostandyǵynan aiyryldy. Sondai-aq bes jyl kólik tizgindeýge tyiym salyndy. Malikanyń týysqandary sot úkimine shaǵym túsirdi.
20 jeltoqsan kúni otandyq BAQ-qa bergen suqbatynda Oljas Súleimenov otbasynyń úlkeni retinde ózine jaýapkershilik ala otyryp, Malikany bas bostandyǵynan aiyrmaýdy surady. Alaida 26 jeltoqsanda Astana sotynda Malika Muhitovanyń apelliatsiialyq shaǵymyn qaraý kezinde aqynnyń jańa haty oqyldy. Bul hatynda aqyn marqum Eskendir Súleimenovtiń ata-anasyna burynǵy hatty (Malika Muhitovanyń jazasyn jeńildetýdi surap jazǵan haty) kórsetpegenine ókingeni týraly jazǵan.
Súleimenovtiń aitýynsha, bul jazba jaqyndarynyń arasynda úlken rezonans týdyrǵan. Jazýshy Muhitovanyń týystary birneshe márte keshirim berýdi ótingendikten, bul áreketke janashyrlyqtan baryp otyrǵanyn aitqan.
"Hatty jibermes buryn ony qyzym men Sergeige kórsetip, aqyldasyp alýym kerek bolatyn. Bul - meniń qateligim", — degen edi Oljas Súleimenov.
Ol óziniń aitqandary Eskendirdiń ata-anasynyń pozitsiiasyn bildirmeitinin atap ótti.
Al marqumnyń anasy Láilá Súleimenova men ákesi Sergei Han sottan kesilgen jazany sol kúiinde qaldyrýdy surady.
