بٷگٸن استانا سوتىندا ماليكا مۇحيتوۆانىڭ اپپەلياتسييالىق شاعىمى قارالدى, دەپ حابارلايدى Sputnik قازاقستان تٸلشٸسٸ.
سوتتالۋشى ٶز كٸنەسٸن تولىعىمەن مويىنداپ, مارقۇمنىڭ اتا-اناسىنان تاعى دا جىلاپ كەشٸرٸم سۇرادى. ول ٶزٸن باس بوستاندىعىنان ايىرماۋدى ٶتٸندٸ.
مۇحيتوۆانىڭ ادۆوكاتى دميتريي كۋرياچەنكو ٶز قورعاۋىنداعى ادامنىڭ كٸنەسٸ جوق ەكەنٸن مەلٸمدەدٸ.
"موتوتسيكلشٸنٸڭ رۇقسات ەتٸلمەگەن جىلدامدىعى كەدەرگٸنٸڭ پايدا بولۋىنا ەكەپ سوقتى. ەگەر موتوتسيكل رۇقسات ەتٸلگەن جىلدامدىقپەن جٷرگەندە مۇنداي بولماس ەدٸ", — دەدٸ كۋرياچەنكو سوت زالىندا.
ونىڭ ايتۋىنشا, استانا, الماتى مەن ومبى ساراپشىلارىنىڭ مەلٸمەتٸنشە, ۆيدەودا كٶرٸنگەن سەتتەن باستاپ موتوتسيكلدٸڭ ەڭ تٶمەنگٸ جىلدامدىعى ساعاتىنا 80 شاقىرىمنان اسقان, ال تەجەۋ الدىنداعى جوعارى جىلدامدىق ساعاتىنا 116,36 شاقىرىمدى قۇرادى.
ادۆوكات ماليكا مۇحيتوۆانىڭ قىركٷيەك ايىندا ەسكەندٸردٸڭ زيراتىنا بارىپ, كەشٸرٸم سۇراعانىن اتاپ ٶتتٸ. ال قىزدىڭ اياعى جوق اتاسى ەكٸ رەت ولجاس سٷلەيمەنوۆكە بارىپ, "ولاردىڭ ازابىن جەڭٸلدەتۋ ٷشٸن, ٶز ٶمٸرٸن الۋدى" ۇسىنعان.
زارداپ شەككەن تاراپتىڭ ٶكٸلدەرٸ مۇحيتوۆانىڭ ادۆوكاتىنىڭ مەلٸمدەمەسٸن نەگٸزسٸز, وبەكتيۆتٸ ەمەس دەپ اتادى.
ەسكەندٸر سٷلەيمەنوۆتٸڭ اتا-اناسى بۇل جولى سوت وتىرىسىنا قاتىسقان جوق.
"ەسٸل اۋداندىق سوتىنىڭ مۇحيتوۆاعا قاتىستى ٷكٸمٸن ٶزگەرٸسسٸز قالدىرۋدى سۇرايمىن. جەبٸرلەنۋشٸلەر تاراپىمەن كەلٸسپەۋشٸلٸكتەر تۋىنداعان جاعدايدا, سوتتالۋشى مۇحيتوۆانىڭ نەمقۇرايلىعىنان بالاسىنان ايىرىلعان انا رەتٸندە مەنٸڭ پٸكٸرٸمە باسىمدىق بەرۋٸڭٸزدٸ ٶتٸنەمٸن", — دەپ وقىپ بەردٸ ادۆوكات الميرا شايحينا مارقۇمنىڭ اناسى لەيلا سٷلەيمەنوۆانىڭ حاتىن.
جول اپاتى قالاي بولدى?
جول اپاتى وسى جىلدىڭ 22 ماۋسىمىندا استاناداعى مەڭگٸلٸك ەل – كەرەي جەنٸبەك حاندار كٶشەلەرٸنٸڭ قيىلىسىندا بولدى. بەلگٸلٸ اقىن, جازۋشى ولجاس سٷلەيمەنوۆتٸڭ جيەنٸ موتوتسيكل جٷرگٸزٸپ كەلە جاتقان. 27 جاستاعى ەسكەندٸر سٷلەيمەنوۆتٸڭ موتوتسيكلٸ Hyundai جەڭٸل كٶلٸگٸمەن سوقتىعىسادى. كٶلٸك رٶلٸندە قىزىلوردا وبلىسى ٸشكٸ ٸستەر دەپارتامەنتٸنٸڭ باستىعى, پوليتسييا پولكوۆنيگٸ قايرات مۇحيتوۆتٸڭ قىزى ماليكا مۇحيتوۆا وتىرعان. 29 جاستاعى قىز سولعا بۇرىلۋ كەزٸندە موتوتسيكلشٸگە جول بەرمەي, سالدارىنان جاس جٸگٸت وقيعا ورنىندا كٶز جۇمدى.
ماليكا مۇحيتوۆاعا قر قىلمىستىق كودەكسٸ 345-بابى 3-تارماعى بويىنشا (جول قوزعالىسى نەمەسە كٶلٸكتٸ پايدالانۋ ەرەجەلەرٸنٸڭ بۇزىلۋىنان ابايسىزدا ادام ٶلٸمٸنە ەكەپ سوققان ەرەكەت) ايىپ تاعىلدى.
سوتتا سٶيلەگەن سوڭعى سٶزٸندە ماليكا مۇحيتوۆا ەسكەندٸر سٷلەيمەنوۆتٸڭ اتا-اناسىنان تاعى بٸر مەرتە كەشٸرٸم سۇراپ, باس بوستاندىعىنان ايىرماۋدى ٶتٸنٸپ جىلاپ جٸبەردٸ.
سوت ٷكٸمٸمەن ايىپتالۋشى كٸنəلٸ دەپ تانىلىپ, قاۋٸپسٸزدٸگٸ تٶمەن قىلمىستىق-اتقارۋ جٷيەسٸ مەكەمەسٸندە جازاسىن ٶتەۋمەن ەكٸ جىلعا باس بوستاندىعىنان ايىرىلدى. سونداي-اق بەس جىل كٶلٸك تٸزگٸندەۋگە تىيىم سالىندى. ماليكانىڭ تۋىسقاندارى سوت ٷكٸمٸنە شاعىم تٷسٸردٸ.
20 جەلتوقسان كٷنٸ وتاندىق باق-قا بەرگەن سۇقباتىندا ولجاس سٷلەيمەنوۆ وتباسىنىڭ ٷلكەنٸ رەتٸندە ٶزٸنە جاۋاپكەرشٸلٸك الا وتىرىپ, ماليكانى باس بوستاندىعىنان ايىرماۋدى سۇرادى. الايدا 26 جەلتوقساندا استانا سوتىندا ماليكا مۇحيتوۆانىڭ اپەللياتسييالىق شاعىمىن قاراۋ كەزٸندە اقىننىڭ جاڭا حاتى وقىلدى. بۇل حاتىندا اقىن مارقۇم ەسكەندٸر سٷلەيمەنوۆتٸڭ اتا-اناسىنا بۇرىنعى حاتتى (ماليكا مۇحيتوۆانىڭ جازاسىن جەڭٸلدەتۋدٸ سۇراپ جازعان حاتى) كٶرسەتپەگەنٸنە ٶكٸنگەنٸ تۋرالى جازعان.
سٷلەيمەنوۆتٸڭ ايتۋىنشا, بۇل جازبا جاقىندارىنىڭ اراسىندا ٷلكەن رەزونانس تۋدىرعان. جازۋشى مۇحيتوۆانىڭ تۋىستارى بٸرنەشە مەرتە كەشٸرٸم بەرۋدٸ ٶتٸنگەندٸكتەن, بۇل ەرەكەتكە جاناشىرلىقتان بارىپ وتىرعانىن ايتقان.
"حاتتى جٸبەرمەس بۇرىن ونى قىزىم مەن سەرگەيگە كٶرسەتٸپ, اقىلداسىپ الۋىم كەرەك بولاتىن. بۇل - مەنٸڭ قاتەلٸگٸم", — دەگەن ەدٸ ولجاس سٷلەيمەنوۆ.
ول ٶزٸنٸڭ ايتقاندارى ەسكەندٸردٸڭ اتا-اناسىنىڭ پوزيتسيياسىن بٸلدٸرمەيتٸنٸن اتاپ ٶتتٸ.
ال مارقۇمنىڭ اناسى لەيلە سٷلەيمەنوۆا مەن ەكەسٸ سەرگەي حان سوتتان كەسٸلگەن جازانى سول كٷيٸندە قالدىرۋدى سۇرادى.
