Premer-ministr Oljas Bektenov Úkimettiń otandyq taýar óndirýshilerdi qoldaý jónindegi sharalarynyń nátijesinde aýyl sharýashylyǵy ónimderiniń eksporty turaqty ósip kele jatqanyn basa aitty, dep habarlaidy ult.kz.
«Aýyl sharýashylyǵy ónimderiniń eksporty da turaqty ósip keledi. Buǵan ekonomika salalaryn keshendi memlekettik qoldaýdyń nátijesinde qol jetkizdik. Endigi mindet – ishki naryqty otandyq ónimmen tolyqtyrýdy jalǵastyryp, ótkizý naryqtaryn keńeitý jáne qazaqstandyq taýarlardy syrtqy naryqtarda neǵurlym belsendi ilgeriletý. “Qazaqstanda jasalǵan” ulttyq tańbasy tutynýshylardyń senimi men joǵary sapa belgisine ainalýy tiis», — dep atap ótti Oljas Bektenov Úkimet otyrysynda.
Osyǵan bailanysty Premer-ministr birqatar tapsyrma berdi:
Saýda jáne integratsiia ministrligine múddeli memlekettik organdarmen jáne «Atameken» palatasymen birlesip, bir ai ishinde «Qazaqstanda jasalǵan» brendimen shyǵarylatyn taýarlardy qoldaý men ilgeriletýdiń keshendi baǵdarlamasyn ázirleýdi tapsyryldy;
bir ai merzimde halyq arasynda eń kóp suranysqa ie basym taýar sanattaryn aiqyndaý qajet. Árbir sanat boiynsha ishki naryqtaǵy otandyq ónimniń úlesin arttyrýǵa arnalǵan nysanaly kórsetkishterdi belgileý kerek;
Saýda jelilerimen birge otandyq saýda markalaryn damytyp, qazaqstandyq óndirýshilermen uzaq merzimdi jetkizý sharttaryn bekitý qajet.
