پرەمەر-مينيستر ولجاس بەكتەنوۆ ٷكٸمەتتٸڭ وتاندىق تاۋار ٶندٸرۋشٸلەردٸ قولداۋ جٶنٸندەگٸ شارالارىنىڭ نەتيجەسٸندە اۋىل شارۋاشىلىعى ٶنٸمدەرٸنٸڭ ەكسپورتى تۇراقتى ٶسٸپ كەلە جاتقانىن باسا ايتتى, دەپ حابارلايدى ult.kz.
«اۋىل شارۋاشىلىعى ٶنٸمدەرٸنٸڭ ەكسپورتى دا تۇراقتى ٶسٸپ كەلەدٸ. بۇعان ەكونوميكا سالالارىن كەشەندٸ مەملەكەتتٸك قولداۋدىڭ نەتيجەسٸندە قول جەتكٸزدٸك. ەندٸگٸ مٸندەت – ٸشكٸ نارىقتى وتاندىق ٶنٸممەن تولىقتىرۋدى جالعاستىرىپ, ٶتكٸزۋ نارىقتارىن كەڭەيتۋ جەنە قازاقستاندىق تاۋارلاردى سىرتقى نارىقتاردا نەعۇرلىم بەلسەندٸ ٸلگەرٸلەتۋ. “قازاقستاندا جاسالعان” ۇلتتىق تاڭباسى تۇتىنۋشىلاردىڭ سەنٸمٸ مەن جوعارى ساپا بەلگٸسٸنە اينالۋى تيٸس», — دەپ اتاپ ٶتتٸ ولجاس بەكتەنوۆ ٷكٸمەت وتىرىسىندا.
وسىعان بايلانىستى پرەمەر-مينيستر بٸرقاتار تاپسىرما بەردٸ:
ساۋدا جەنە ينتەگراتسييا مينيسترلٸگٸنە مٷددەلٸ مەملەكەتتٸك ورگاندارمەن جەنە «اتامەكەن» پالاتاسىمەن بٸرلەسٸپ, بٸر اي ٸشٸندە «قازاقستاندا جاسالعان» برەندٸمەن شىعارىلاتىن تاۋارلاردى قولداۋ مەن ٸلگەرٸلەتۋدٸڭ كەشەندٸ باعدارلاماسىن ەزٸرلەۋدٸ تاپسىرىلدى;
بٸر اي مەرزٸمدە حالىق اراسىندا ەڭ كٶپ سۇرانىسقا يە باسىم تاۋار ساناتتارىن ايقىنداۋ قاجەت. ەربٸر سانات بويىنشا ٸشكٸ نارىقتاعى وتاندىق ٶنٸمنٸڭ ٷلەسٸن ارتتىرۋعا ارنالعان نىسانالى كٶرسەتكٸشتەردٸ بەلگٸلەۋ كەرەك;
ساۋدا جەلٸلەرٸمەن بٸرگە وتاندىق ساۋدا ماركالارىن دامىتىپ, قازاقستاندىق ٶندٸرۋشٸلەرمەن ۇزاق مەرزٸمدٸ جەتكٸزۋ شارتتارىن بەكٸتۋ قاجەت.
