Italiianyń Triest qalasynda sý dobynan Tokio Olimpiadasy irikteý týrnirindegi Qazaqstan áielder quramasynyń kelesi qarsylasy anyqtaldy, dep habarlaidy "Ult aqparat".
Esterińizge sala ketelik, qazaqstandyq vaterpolshylar 5-8 oryndar úshin saiysta Slovakiiany jeńgen bolatyn. Osylaisha olar 5 oryn úshin synǵa túsý múmkindigine qol jetkizdi.
Jarystyń bul satysynda qazaqstandyq qurama Frantsiiamen sheberlik baiqasatyn boldy. Frantsýz qyzdary búgin Izraildi 11:4 esebimen tize búktirdi.
Atap óterligi, Qazaqstan qyzdary V tobynda synǵa tústi. Alǵashqy oiynda Grekiiadan 5:13, odan keiin Vengriiadan 6:23 esebimen jeńildi. Sońǵy oiynda Izrailmen 7:7 esebimen teń oinady. Shirek finalda qazaqstandyq vaterpolshylar Niderlandyǵa jol berdi.
Aita keteiik, irikteý týrnirinde jartylai finalda Niderlandy men Grekiia, Vengriia men Italiia quramalary synǵa túsedi. Olimpiadaǵa eki joldama beriledi. Jeńgen eki qurama finalda, jeńilgenderi 3 oryn úshin saiysqa túsedi. Irikteý týrniri 24 qańtarda máresine jetedi. Esterińizge sala ketelik, Qazaqstan quramasy Olimpiadada eki márte baq synady. 2000 jyly - 6, 2004 jyly - 8 oryn aldy.
Irikteý týrnirinde jartylai finalda Niderlandy men Grekiia, Vengriia men Italiia quramalary synǵa túsedi. Olimpiadaǵa eki joldama beriledi. Jeńgen eki qurama finalda, jeńilgenderi 3 oryn úshin saiysqa túsedi. Týrnir 24 qańtarda máresine jetedi.
