يتالييانىڭ تريەست قالاسىندا سۋ دوبىنان توكيو وليمپياداسى ٸرٸكتەۋ تۋرنيرٸندەگٸ قازاقستان ەيەلدەر قۇراماسىنىڭ كەلەسٸ قارسىلاسى انىقتالدى, دەپ حابارلايدى "ۇلت اقپارات".
ەستەرٸڭٸزگە سالا كەتەلٸك, قازاقستاندىق ۆاتەرپولشىلار 5-8 ورىندار ٷشٸن سايىستا سلوۆاكييانى جەڭگەن بولاتىن. وسىلايشا ولار 5 ورىن ٷشٸن سىنعا تٷسۋ مٷمكٸندٸگٸنە قول جەتكٸزدٸ.
جارىستىڭ بۇل ساتىسىندا قازاقستاندىق قۇراما فرانتسييامەن شەبەرلٸك بايقاساتىن بولدى. فرانتسۋز قىزدارى بٷگٸن يزرايلدٸ 11:4 ەسەبٸمەن تٸزە بٷكتٸردٸ.
اتاپ ٶتەرلٸگٸ, قازاقستان قىزدارى ۆ توبىندا سىنعا تٷستٸ. العاشقى ويىندا گرەكييادان 5:13, ودان كەيٸن ۆەنگرييادان 6:23 ەسەبٸمەن جەڭٸلدٸ. سوڭعى ويىندا يزرايلمەن 7:7 ەسەبٸمەن تەڭ وينادى. شيرەك فينالدا قازاقستاندىق ۆاتەرپولشىلار نيدەرلاندىعا جول بەردٸ.
ايتا كەتەيٸك, ٸرٸكتەۋ تۋرنيرٸندە جارتىلاي فينالدا نيدەرلاندى مەن گرەكييا, ۆەنگرييا مەن يتالييا قۇرامالارى سىنعا تٷسەدٸ. وليمپياداعا ەكٸ جولداما بەرٸلەدٸ. جەڭگەن ەكٸ قۇراما فينالدا, جەڭٸلگەندەرٸ 3 ورىن ٷشٸن سايىسقا تٷسەدٸ. ٸرٸكتەۋ تۋرنيرٸ 24 قاڭتاردا مەرەسٸنە جەتەدٸ. ەستەرٸڭٸزگە سالا كەتەلٸك, قازاقستان قۇراماسى وليمپيادادا ەكٸ مەرتە باق سىنادى. 2000 جىلى - 6, 2004 جىلى - 8 ورىن الدى.
ٸرٸكتەۋ تۋرنيرٸندە جارتىلاي فينالدا نيدەرلاندى مەن گرەكييا, ۆەنگرييا مەن يتالييا قۇرامالارى سىنعا تٷسەدٸ. وليمپياداعا ەكٸ جولداما بەرٸلەدٸ. جەڭگەن ەكٸ قۇراما فينالدا, جەڭٸلگەندەرٸ 3 ورىن ٷشٸن سايىسقا تٷسەدٸ. تۋرنير 24 قاڭتاردا مەرەسٸنە جەتەدٸ.
