Tailandta ótip jatqan bokstan Aziia chempionatynyń jartylai finalynda qazaqstandyq boksshy Vasilii Levit nokaýtpen utylyp qaldy, dep habarlaidy "Ult aqparat".
Otandasymyz jartylai finalda Ońtústik Koreia boksshysy Kim Hen Kiýmen judyryqtasqan bolatyn. Ókinishke qarai, qazaqstandyq boksshy birinen soń biri eki ret nokdaýnǵa túskennen keiin tóreshi jekpe-jekti toqtatty.
Osylaisha, Olimpiada oiyndarynyń kúmis júldegeri Levit Aziia chempionatynyń qola medalin qanaǵat tutty.
Sondai-aq 64 kelige deiingi salmaqta synǵa túsken taǵy bir jerlesimiz Sanatáli Tóltaev ta jartylai finalda tájikstandyq Bahodir Ýsmonovtan utylyp, qola medal enshiledi.
Aita keteiik, 49 keli salmaqtaǵy boksshymyz Temirtas Júsipov jaraqatyna bailanysty jekpe-jekke shyǵýdan bas tartyp, qola medaldy mise tutty.
Osylaisha, ázirge Qazaqstan qorjynynda Aziia chempionatynyń 3 qola medali bar.
