تايلاندتا ٶتٸپ جاتقان بوكستان ازييا چەمپيوناتىنىڭ جارتىلاي فينالىندا قازاقستاندىق بوكسشى ۆاسيليي لەۆيت نوكاۋتپەن ۇتىلىپ قالدى, دەپ حابارلايدى "ۇلت اقپارات".
وتانداسىمىز جارتىلاي فينالدا وڭتٷستٸك كورەيا بوكسشىسى كيم حەن كيۋمەن جۇدىرىقتاسقان بولاتىن. ٶكٸنٸشكە قاراي, قازاقستاندىق بوكسشى بٸرٸنەن سوڭ بٸرٸ ەكٸ رەت نوكداۋنعا تٷسكەننەن كەيٸن تٶرەشٸ جەكپە-جەكتٸ توقتاتتى.
وسىلايشا, وليمپيادا ويىندارىنىڭ كٷمٸس جٷلدەگەرٸ لەۆيت ازييا چەمپيوناتىنىڭ قولا مەدالٸن قاناعات تۇتتى.
سونداي-اق 64 كەلٸگە دەيٸنگٸ سالماقتا سىنعا تٷسكەن تاعى بٸر جەرلەسٸمٸز ساناتەلٸ تٶلتاەۆ تا جارتىلاي فينالدا تەجٸكستاندىق باحودير ۋسمونوۆتان ۇتىلىپ, قولا مەدال ەنشٸلەدٸ.
ايتا كەتەيٸك, 49 كەلٸ سالماقتاعى بوكسشىمىز تەمٸرتاس جٷسٸپوۆ جاراقاتىنا بايلانىستى جەكپە-جەككە شىعۋدان باس تارتىپ, قولا مەدالدى مٸسە تۇتتى.
وسىلايشا, ەزٸرگە قازاقستان قورجىنىندا ازييا چەمپيوناتىنىڭ 3 قولا مەدالٸ بار.
