Qaraǵandy oblysy ákimdiginiń qoldaýymen oblystyq tilderdi damytý jónindegi basqarmasy 2018 jyldyń 14 qyrkúieginde «Rýhani jańǵyrý» baǵdarlamasy aiasynda Kómekei áýlie atanǵan áigili jyraý, oishyl dana, kóregen qairatker Buqar jyraý Qalqamanulynyń 350 jyldyǵyna jáne Qazaqstan Respýblikasynyń elordasy – Astana qalasynyń 20 jyldyq mereitoiyna orai «Óleń sózdiń danasy» respýblikalyq músháirasyn ótkizedi.
Músháiranyń maqsaty:
Memlekettik tildiń mártebesin arttyrý, til mádenietin kóterý, Buqar jyraýdyń ádebi murasyn jáne tarihtaǵy eleýli ornyn nasihattaý, aqyn-jyraýlardyń shyǵarmashylyǵyna qoldaý kórsetý arqyly jyraýlyq poeziianyń damýyna yqpal etý, erkin eldiń jarqyn jetistikterin, ótken tarihy men kemel bolashaǵyn jyraýlyq poeziianyń qudireti arqyly qalyń jurtshylyqqa pash etý.
Sharttary:
- músháiraǵa 16 – 35 jas aralyǵyndaǵy úmitkerler qatysa alady;
- úmitkerlerdiń jyraýlyq poeziia úlgisinde jazylǵan shyǵarmalary qabyldanady;
- shyǵarmalar tómendegidei 3 taqyryp boiynsha bolýy kerek:
1. «Óleń sózdiń danasy» (Buqar jyraýǵa arnaý)
2. «Baǵanaly orda, basty orda» (Qazaqstannyń elordasy – Astananyń 20 jyldyǵy taqyrybynda)
3. «Al, aitamyn, aitamyn» (qoǵamdyq-áleýmettik máseleni kóterý)
- ár óleń kólemi 100 joldan aspaýy kerek;
- shyǵarmalar elektrondyq nusqada Microsoft Word formatynda (14 keglde (shrift), jolarasy 1 interval, Times New Roman qarpimen) usynylýy qajet;
- jinaqtarda, merzimdi basylymdarda, saittarda, áleýmettik jelilerde jariialanǵan, basqa baiqaýlarǵa usynylǵan jáne talapqa sai kelmeitin shyǵarmalar qabyldanbaidy;
- qabyldanǵan shyǵarmalarǵa pikir berilmeidi;
- qazylar alqasynyń aldyn-ala irikteýinen ótken úmitkerler qorytyndy sharaǵa qatysady.
Músháiranyń kezeńderi
2. Aqtyq kezeńge irikteý kezeńinen ótken úmitkerler qatysyp, óz shyǵarmalaryn mánerlep, jatqa oqý arqyly ónerlerin kórsetedi.
Úmitkerlerdiń shyǵarmalaryn baǵalaý kezinde:
- avtordyń poetikalyq-stildik ereksheligine, shyǵarmanyń jyraýlyq poeziia úlgisine sáikestigine;
- usynylǵan shyǵarmalar taqyrybynyń baiqaý maqsatyna sáikestigine, iaǵni avtordyń Buqar jyraý Qalqamanulynyń qyrlaryn óleń sózben somdaýyna:
- Qazaqstannyń elordasy – Astananyń 20 jyldyq mereitoiy men Qazaqstannyń jarqyn jetistikterin jyrlaýyna;
- búgingi tańdaǵy ózekti qoǵamdyq-áleýmettik máseleni kórsete alýyna;
- shyǵarmanyń ideialyq mazmunyna;
- týyndynyń kórkemdik sapasyna.
Músháiranyń júlde qory
Músháiranyń jeńimpazy jáne júldegerler diplomdarmen, alǵys hattarmen jáne aqshalai syilyqtarmen marapattalady.
Bas júlde (bireý) – 500 000 (bes júz myń) teńge
I oryn (bireý) – 350 000 (úsh júz elý myń) teńge
II oryn (ekeý) - 250 000 (eki júz elý myń) teńgeden
III oryn (úsheý) – 150 000 (júz myń) teńgeden
Yntalandyrý syilyǵy (on) – 50 000 (elý myń) teńgeden
Músháiraǵa at salysyp, qosymsha qoldaý bildiremiz degen azamattar bolsa qarsylyq bolmaidy.
Músháiraǵa qatysý Músháiraǵa qatysý úshin úmitkerlerdiń tapsyrystary (úlgidegi kestege sáikes aty-jóni, jumys nemese oqý orny, bailanys telefondary kórsetile otyryp, jeke kýáliginiń kóshirmesimen qosa) jáne shyǵarmalary 2018 jyldyń 24 tamyzyna deiin b.altynbek@karaganda-region.gov.kz elektrondy mekenjaiy boiynsha qabyldanady.
Anyqtama telefony: 8 (7212) 567476 Buqar jyraý Qalqamanulynyń 350 jyldyǵyna arnalǵan «Óleń sózdiń danasy» respýblikalyq músháirasyna qatysýǵa ótinim úlgisi № Tegi, aty, ákesiniń aty Týǵan datasy Respýblika óńiri Jumys/oqý orny Bailanys telefondary
