Almatyda kúres túrlerinen Aziia chempionaty márege jetti, dep habarlaidy "Ult aqparat".
Qazaqstandyq Oleg Boltin 125 kg salmaqta finalda qyrǵyzstandyq Aiial Lazarevpen beldesti.
Tartysty órbigen beldesý barysynda qyrǵyzstandyq balýan 3:2 esebimen alda turdy. Sońǵy sekýndtarda eki balǵa baǵalanǵan ádis jasap úlgergen Boltin erkin kúresten Qazaqstan quramasy úshin úshinshi altynǵa qol jetkizdi.
Asa aýyr salmaqta budan bir jyl buryn Iýsýp Batyrmurzaev Aziia chempiony atanǵan edi. Biyl oǵan qosa Iýsýp Batyrmurzaev Almatyda ótken litsenziialyq týrnirde olimpiada joldamasyn ielengen bolatyn. Endi Boltin Aziia birinshiliginde úzdik shyǵyp otyr.
Taǵy bir qazaqstandyq Elhan Asadov 92 kg salmaqta qola júlde úshin básekede ońtústikkoreialyq balýanǵa ese jiberdi.
Eske sala keteiik, budan buryn Nurqoja Qaipanovtyń erkin kúresten eki dúrkin Aziia chempiony atanǵanyn jazǵan bolatynbyz.
